The 5-Year Christmas Party

2024 ‌October နှောင်းပိုင်းမှာထွက်ရှိခဲ့ပြီး Holiday, Romance Genres အမျိုးအစားရုပ်ရှင်ဖြစ်တဲ့ The 5 Year Christmas Party လေးကတော့ တက္ကသိုလ်တက်နေတဲ့လူငယ်နှစ်ဦးရဲ့ School Life ကိုအသားပေး‌ဖော်ပြတာမဟုတ်ဘဲ ခရစ္စမတ်ကာလ ၅ ခုမှာ သူတို့ဘယ်လိုတွေဖြတ်သန်းလဲဆိုတဲ့ Holiday POV ကို ခရစ္စမတ်အငွေ့အသက်တွေနဲ့အတူ ရိုက်ကူးပုံဖော်ထားတာပဲဖြစ်ပါတယ်။

ဇာတ်လမ်းအကျဉ်း

ပြဇာတ်ဘာသာရပ်ကို သင်ယူနေကြတဲ့ Alice နဲ့ Max တို့ Christmas Party တစ်ခုမှာ ဆုံကြပုံနဲ့ အစပျိုးထားပါတယ်။ ရည်မှန်းချက်ကြီးလွန်းတဲ့ကောင်မလေး Alice ဟာ သူ့အမေလုပ်ငန်းဆုံးရှုံးသွားတဲ့အခါ အိမ်ငှားခ၊ ကျောင်းလခတွေအတွက် အလုပ်ရှာရပါတော့တယ်။ တစ်ချိန်တည်းမှာတော့ Max ဆိုတဲ့ကောင်လေးက သရုပ်ဆောင်လုပ်ဖို့အတွက် လေ့ကျင့်မှုတွေလုပ်ရင်း ကြိုးစားနေချိန်ပါ။

Alice က Max ရဲ့အစ်မ Pam ရဲ့ Catering Service မှာ သူငယ်ချင်း Daniel အကူအညီနဲ့ အလုပ်ရခဲ့ပြီး Max ကတော့ Audition တွေလုပ်ရင်း ရုပ်ရှင်ရိုက်ဖို့အတွက်ပြင်ဆင်နေပါတယ်။ ခရစ္စမတ်မှာ သူတို့တွေ့ဆုံဖြစ်ကြကာ ခံစားချက်ကို ဝန်ခံခဲ့ပေမဲ့ သူငယ်ချင်းအဖြစ်ဆက်နေရင်းက တစ်နှစ်နဲ့တစ်နှစ်‌ပိုပြီး သံယောဇဉ်တွယ်လာကြတဲ့ သူတို့ဟာ ဘွဲ့ရပြီးနောက် ရည်မှန်းချက်တွေအ‌ကောင်အထည်ဖော်ဖို့တစ်ဖက်၊ အလုပ်တစ်ဖက်နဲ့ ခံစားချက်တွေ ထိန်းသိမ်းနေရင်း Alice နဲ့ Max တို့နှစ်ဦးသား အဆင့်တက်ပြီး ချစ်သူတွေဖြစ်သွားနိုင်မလား၊ သူငယ်ချင်းတွေအနေနဲ့ပဲ အခင်အမင်မပျက်နေသွားကြမလားဆိုတာကို ကြည့်ရှုရမဲ့ ဇာတ်ကား‌လေးပဲဖြစ်ပါတယ်။

• The 5-Year Christmas Party (2024)
• ခရစ္စမတ်ရာသီ
• တက္ကသိုလ်ဘဝ
• ဘဝစိန်ခေါ်မှုများ
• အချစ်ဇာတ်လမ်း
• အလုပ်အကိုင်ရည်မှန်းချက်