A Little Something Extra

ဟာသဆိုသော်လည်း ဟာသသာမက ဂရုဏာပါသက်စေမဲ့အပြင် အခြားရုပ်ရှင်များနဲ့ကွဲထွက်နေတဲ့ နိုင်ငံတကာထိပါ အောင်မြင်နေတဲ့ ဇတ်ကားကောင်းတစ်ခု။ ဒီဇတ်ကားက ပြင်သစ်စကားပြောရုပ်ရှင်ကားဖြစ်ပါတယ်။

ရာဇဝတ်မှုကျူးလွန်ထားတဲ့သားအဖနှစ်ယောက်က မမျှော်လင့်ဘဲ ရဲလက်ကနေ လွတ်အောင်ပြေးရင်း နွေရာသီစခန်းချအပျော်ခရီးထွက်လာတဲ့ မသန်မစွမ်းသူလူငယ်များနဲ့ စခန်းချရာအိမ်ကို လိုက်ပါဖြစ်သွားပါတယ်။ သားကမသန်မစွမ်းသူ၊ အဖေက ကျောင်းဆရာအဖြစ်ဟန်ဆောင်ရင်း ဂွတီးဂွကျအဖြစ် တွေကြုံရတာကိုရိုက်ပြထားသလို မသန်မစွမ်းသူ လူငယ်အမျိုးသားအမျိုးသမီးလေးများရဲ့ ဇတ်ကောင်စရိုက်ကိုလည်းသေချာရိုက်ပြထားပါတယ်။

ခမ်းနားတဲ့သရုပ်ဆောင်တွေမပါပေမဲ့လည်း ပြင်ပဘဝကတကယ့် မသန်မစွမ်းလူငယ်အချို့ရဲ့ သရုပ်ဆောင်မှုနဲ့ဇာတ်ကွက်က သူတို့လေးတွေကိုဂရုဏာသက်ချစ်သွားစေမှာ အမှန်ဖြစ်ပါတယ်။ ဆိုးတာတွေရှိနေတာတောင် လူတွေမှာ ကောင်းမြတ်တဲ့စိတ်နှလုံးသားလည်းရှိ နေပါသေးတယ်ဆိုတာကို ပြချင်တာလည်းဖြစ်တယ်။

သားအဖနှစ်ယောက် ရဲတွေလက်ကလွတ်မလား။ ဘာအလှည့်အပြောင်းတွေကြုံရမလဲ။ အဖေ(အော်ရပီ)အဖြစ်သရုပ်ဆောင်တဲ့ Clovic Cornillac(ကလိုဗစ်စ် ကော် နီးလ်ယာကာ)ရဲ့ သရုပ်ဆောင်ချက်ကလည်း မျက်နှာပေးကအစ သဘာဝကျသမ္ဘာကျလှပါတယ်။ သား(ဆီလီဗန်း)အဖြစ်သရုပ်ဆောင်တဲ့ Atus(အေးတပ်စ်)က ဇတ်ကားရဲ့သရုပ်ဆောင်ဒါရိုက်တာဇာတ်ညွှန်းရေးသူဖြစ်တယ်။

တစ်ချို့ရိုက်ချက်တွေက စကားအများကြီးပြောစရာမလိုပြစရာမလိုဘဲ အဖြစ်အပျက်တွေကိုပေါ်လွင်ပြီး နှလုံးသားထိအောင်ရိုက်ပြသွားနိုင်ပါတယ်။ ပြင်သစ်သီချင်းလေးတွေကိုလည်း ခံစားနားဆင်ရမှာဖြစ်တယ်။၂၀၂၄ ပြင်သစ်နိုင်ငံလက်မှတ်ရောင်း box office မှာ ထိပ်ဆုံးပြေးနေတဲ့ ဇတ်ကားဖြစ်ပါတယ်။ ဘတ်ဂျက်ဒေါ်လာ ၆.၅၅သန်းသာကုန်ပေမဲ့ ခုချိန်ထိတစ်ကမ္ဘာလုံးဝင်ငွေအနေနဲ့ ဒေါ်လာ ၈၄-သန်းကျော်ရရှိထားတာဖြစ်ပါတယ်။ ဒါကြောင့် သင်လက်မလွှတ်သင့်တဲ့ ဇတ်ကားကောင်းဖြစ်ပါတယ်။

• ကျောင်းဆရာ
• ပြင်သစ်သီချင်း
• မသန်မစွမ်း
• ရာဇဝတ်မှု