Seven Veils

အချစ်ဦးလို့ပြောလို့ရတဲ့ မင်းသမီးတွေထဲက တစ်ယောက်ဖြစ်တဲ့ Amanda Seyfried ရဲ့ ရုပ်ရှင်အသစ်ပါ။ မမကို ငန်းရင်းတောင် တန်နေတဲ့ရုပ်ရှင်ကိုမှ ဇာတ်လမ်းသွားကလည်း ကြမ်းနေတော့ ဒီကားက ပြောစရာကိုမလိုတဲ့ကားပါပဲ။

ဇာတ်ကတော့ အော်စကာဝိုင်းရဲ့ပြဇာတ်ကို အဓိကသုံးထားတယ်။ မင်းသမီးက ပြဇာတ်ဒါရိုက်တာ။ သူ့ဆရာပြဇာတ်ဒါရိုက်တာသေသွားပြီးတဲ့နောက် အဲဒီဆရာအတွက် အမှတ်တရ အဲဒီဆရာရဲ့ အကျော်ကြားဆုံးပြဇာတ်ကို ပြန်လည်ကပြဖို့လုပ်ကြရာမှာ သူက ဒါရိုက်တာအဖြစ်ပါဝင်ရတယ်။ အော်ပရာပြဇာတ်တစ်ခုလုံး အသက်သွင်းဖို့ ကြိုးစားကြပုံတွေကိုမြင်ရမဲ့အပြင် အော်စကာဝိုင်းရဲ့ပြဇာတ်နဲ့ မင်းသမီးရဲ့ဘဝက ဘယ်လိုဆက်စပ်နေလဲ။

သူ့ဆရာနဲ့ သူ့ဆက်ဆံရေးက ဘာတွေဖြစ်ခဲ့လဲဆိုတာကို တော်တော်လေးစိတ်ဝင်စားဖို့ကောင်းအောင်ပြထားတယ်။ အော်စကာဝိုင်းရဲ့ မူရင်းပြဇာတ်ရဲ့ဇာတ်ကိုကလည်း တော်တော်လေး ထူးခြားပြီး အနုပညာမြောက်နေတဲ့အတွက် အဲဒီပြဇာတ်ကဇာတ်ကို အဓိကသုံးထားတဲ့ ဒီကားကလည်း မညံ့ခဲ့ပါဘူး။ အော်စကာဝိုင်းပြဇာတ်ထဲက စကားအတိုင်းဆို အချစ်ဆိုတာ သေခြင်းတရားထက် ပဟေဠိဆန်တယ်တဲ့။ ဒီရုပ်ရှင်မှာတော့ ချစ်ခြင်းနဲ့ သေခြင်းကြားက ပဟေဠိတွေကို တင်ဆက်ပြထားပါတယ်။