Hellfire

Hellfire (2026)
+++++

ဒီကားက ၈၀၊ ၉၀ ပြည့်လွန်နှစ်တွေက အက်ရှင်ကားစတိုင်မျိုး (ဥပမာ- ရမ်ဘိုတို့၊ ချပ်နောရစ်တို့ ကားတွေလိုမျိုး)ရိုက်ကူးထားတဲ့ Neo-Western ကားလေးပါ။ အဓိက သရုပ်ဆောင်တွေအနေနဲ့ အက်ရှင်မင်းသားကြီးတွေဖြစ်တဲ့Stephen Lang, Dolph Lundgren နဲ့ Harvey Keitel တို့ ပါဝင်ထားကြတယ်။

ဇာတ်လမ်းအကျဉ်း
++++++++++

ဇာတ်လမ်းက ၁၉၈၈ ခုနှစ်ကို နောက်ခံထားပြီး Rondo ဆိုတဲ့ တက္ကဆက်ပြည်နယ်က မြို့လေးတစ်မြို့မှာ အခြေတည်ထားတယ်။ တစ်နေ့ကျတော့ အတိတ်က စစ်ပွဲဒဏ်ရာတွေ၊ စိတ်ဒဏ်ရာတွေရနေတဲ့ Green Beret အထူးတပ်ဖွဲ့ စစ်ပြန်ကြီးတစ်ယောက် (Stephen Lang) ဟာ ဒီမြို့လေးကို ရောက်လာတယ်။ သူက ဘာနာမည်မှ မပြောဘဲ စားစရာနဲ့ နေစရာအတွက် အလုပ်လုပ်ပေးမယ်ဆိုပြီး ဝင်လာတာ။

အဲဒီမှာ ဆိုင်ကယ်ဘီးတပ်ကုလားထိုင်နဲ့ သွားလာနေရတဲ့ အရက်ဆိုင်ပိုင်ရှင် အိုဝင်နဲ့ သူ့သမီး လီနာတို့က သူ့ကိုလက်ခံလိုက်ပြီး “Nomada” (ခြေသလုံးအိမ်တိုင်) လို့ နာမည်ပေးလိုက်ကြတယ်။

ဒါပေမဲ့ ဒီမြို့လေးက အေးအေးချမ်းချမ်းတော့ မဟုတ်ဘူး။ ဂျရမိုင်းယား (Harvey Keitel) ဆိုတဲ့ လူဆိုးဂိုဏ်းခေါင်းဆောင်က မြို့မှာရှိတဲ့ ဘီယာစက်ရုံကို ဗန်းပြပြီး မက္ကဆီကို ကာတဲလ်ဂိုဏ်းတွေနဲ့ မူးယစ်ဆေးဝါးမှောင်ခိုအလုပ်တွေ လုပ်နေတာ။ မြို့ကလူတွေကိုလည်း အနိုင်ကျင့် ဗိုလ်ကျနေပြီး ဒေသခံရဲအုပ် ဝိုင်လီ (Dolph Lundgren) ကလည်း လူဆိုးတွေဆီကလာဘ်စားထားတော့ ဘာမှမတတ်နိုင်ဘဲ ကြည့်နေရုံပဲ။ တစ်နေ့ကျတော့ ဂျရမိုင်းယားရဲ့ သား ကလိုက်ဒ်က အိုဝင်တို့သားအဖကို လာပြီးအနိုင်ကျင့်တဲ့အခါမှာတော့ Nomada က ငြိမ်မကြည့်နေနိုင်တော့ဘူး။

ဒါနဲ့ပဲ အဖိနှိပ်ခံ မြို့သူမြို့သားတွေအတွက် သူ့ရဲ့ စစ်သားဟောင်းစွမ်းရည်တွေကိုထုတ်သုံးပြီး လူဆိုးဂိုဏ်းကို တစ်ယောက်တည်းဝင်ချပါတော့တယ်။