Video Sources 3 Views Report Error

Watch trailer
Man of War (2026)

Man of War

Jul. 03, 2026111 Min.

Your rating: 0

0 0 votes

Action

Info
Cast

အကောင့်ဖွင့်ရန် ပုံအပေါ်သို့နှိပ်ပါ

Synopsis

Man of War (2026)

Action ကားကြမ်းကြမ်းတွေ ကြိုက်တဲ့သူတွေအတွက် ဇူလိုင်လ ၃ ရက်နေ့မှာ ထွက်ရှိထားတဲ့ ဒါရိုက်တာ William Kaufman ရဲ့ “Man of War” (2026) ဇာတ်ကားကြီးကို တင်ပေးထားပါတယ်။ ဒီကားက ရုပ်ရှင်ဝေဖန်ရေးသမားတွေက Rambo နဲ့ Taken ကို ပေါင်းစပ်ထားတဲ့ပုံစံမျိုးလို့ တင်စားကြပြီး ကြမ်းတမ်းတဲ့ စစ်မြေပြင်က အက်ရှင်ခန်းတွေကို အပြည့်အဝ ခံစားရမဲ့ ကားတစ်ကားပါ။

ဇာတ်လမ်းအကျဉ်း

Connor ဆိုတာ အမေရိကန် အထူးတပ်ဖွဲ့ (Special Forces) က စစ်မှုထမ်းဟောင်း တစ်ယောက်ပါ။ သူက စစ်ပွဲတွေရဲ့ ဒဏ်ရာတွေနဲ့ အထီးကျန်စွာ ရှင်သန်နေရသူဖြစ်ပြီး တစ်နေ့မှာတော့ မမျှော်လင့်ထားတဲ့ ဖုန်းတစ်ကောလ် ရောက်လာပါတယ်။ ရုရှားက ယူကရိန်းကို စတင်ကျူးကျော်တဲ့အချိန်မှာ ကယ်ဆယ်ရေးလုပ်အားပေးလုပ်နေတဲ့ သူ့ရဲ့ မွေးစားသမီး Riley ကို ရုရှားက ကြေးစား ပြန်ပေးသမားတွေက ဖမ်းသွားတယ်ဆိုတဲ့ သတင်းပါပဲ။

သမီးဖြစ်သူကို ဖမ်းသွားတဲ့သူကတော့ Koniev (Daniel Bernhardt) ဆိုတဲ့ ရက်စက်လွန်းတဲ့ ခေါင်းဆောင်ပါ။ အဲဒီတော့ Connor တစ်ယောက် သမီးဖြစ်သူကိုကယ်တင်ဖို့အတွက် ယူကရိန်းစစ်မြေပြင်ထဲကို ကိုယ်တိုင်ဝင်ရောက်လာပါတော့တယ်။ အဲဒီမှာ သူ့ကိုကူညီပေးမဲ့ ဒေသခံလမ်းပြ Dany (Andrew Howard) နဲ့ ပူးပေါင်းပြီး အသက်လုရမဲ့ ကယ်ဆယ်ရေးစစ်ဆင်ရေးကြီးကို စတင်ပါတော့တယ်။

ဒီကားရဲ့ အသက်ကတော့ အက်ရှင်ခန်းတွေပါပဲ။ ကွန်ပျူတာဂရပ်ဖစ် (CGI) တွေ သိပ်မသုံးဘဲ တကယ့် တင့်ကားတွေ၊ တကယ့် ပေါက်ကွဲမှုတွေနဲ့ Practical Action တွေကို အသားပေး ရိုက်ကူးထားတာမို့ ပစ်ခတ်ခန်းတွေက တကယ့်ကို အသက်ဝင်ပါတယ်။ အထူးသဖြင့် ဇာတ်ကားရဲ့ နောက်ဆုံး ၂၅ မိနစ်လောက်ကတော့ အကြိတ်အနယ် ပစ်ခတ်ကြတဲ့ အခန်းတွေချည်းဖြစ်ပြီး အသက်ရှူမှားလောက်အောင် ကြည့်ကောင်းပါတယ်။

Connor နေရာမှာ သရုပ်ဆောင်ထားတဲ့ LaMonica Garrett (Taylor Sheridan ရဲ့ ဇာတ်လမ်းတွဲတွေမှာ မြင်ဖူးကြမှာပါ) ကလည်း အေးတိအေးစက်နဲ့ ကြမ်းချင်တိုင်းကြမ်းတတ်တဲ့ စစ်မှုထမ်းဟောင်း ကာရိုက်တာကို ပီပြင်စွာ သရုပ်ဆောင်ထားပါတယ်။

လူဆိုးခေါင်းဆောင် Koniev အဖြစ် သရုပ်ဆောင်ထားတဲ့ Daniel Bernhardt ကလည်း ကြည့်နေရင်းနဲ့ ဒေါသထွက်စရာကောင်းလောက်အောင် သရုပ်ဆောင်ကောင်းပါတယ်။ အချုပ်ပြောရရင်တော့ အက်ရှင်ကားစစ်စစ်ကိုမှ ကြည့်ချင်တယ်၊ သေနတ်ပစ်ခတ်ခန်း အကြမ်းစားတွေနဲ့ ဇာတ်လမ်းအရှိန်အဟုန် မြန်မြန်ဆန်ဆန် သွားတာမျိုးကို သဘောကျတယ်ဆိုရင် ဒီ Man of War က လက်လွတ်မခံသင့်တဲ့ ကားတစ်ကား ဖြစ်ပါတယ်။

Original title Man of War

TMDb Rating 9 2 votes