Cards & Cognac

Cards & Cognac (2025)

IMDb Rating 8.1/10 ရရှိထားတဲ့ ဒီ indie ဇာတ်လမ်းလေးက ‌ယောက်ျားလေးတွေရဲ့ ရင်ဖွင့်ခံစားချက်နဲ့ ညီအစ်ကိုတွေလို သူငယ်ချင်းဆက်ဆံရေးရဲ့အရေးပါမှုကို ပေါ်လွင်အောင် ရိုက်ကူးထားပါတယ်။

ငယ်သူငယ်ချင်းလေးယောက်က ကတ်ဂိမ်းကစား၊ အရက်သောက်ရင်း ကွယ်လွန်သွားတဲ့ သူတို့ရဲ့သူငယ်ချင်းတစ်ယောက်ကို သတိတရအမှတ်ရဖို့အတွက်စီစဉ်ပြီး အတူဆုံခဲ့ကြပါတယ်။ ညတာရှည်လာတဲ့အမျှ သူငယ်ချင်းလေးယောက်က အရာအားလုံး အဆင်ပြေတဲ့ပုံ ဟန်ဆောင်တာတွေကိုရပ်လိုက်ပြီး သူတို့ရင်ထဲက လေးလံတဲ့လျှို့ဝှက်ချက်တွေကို ဖွင့်ပြောလာကြပါတယ်။

တစ်ယောက်က သူ့ကလေးတွေနဲ့ တွေ့ခွင့်ရဖို့ ရှုပ်ထွေးတဲ့ တရားရုံးမှာ တိုက်ပွဲဝင်နေရတယ်။ တစ်ယောက်က သူ့ရဲ့ချစ်သူကို ချစ်ပေမဲ့လည်း ဖောက်ပြန်နေခဲ့တဲ့အကြောင်း ဝန်ခံလာခဲ့တယ်။ ပြီးတော့ လေးယောက်လုံးက သူတို့ရဲ့ ဆုံးသွားတဲ့သူငယ်ချင်းအတွက် အခုထိအပြစ်ရှိစိတ်ခံစားရပြီး ကြေကွဲနေကြတုန်းဆိုတာလည်း ရင်ဖွင့်လာကြတယ်။

သူငယ်ချင်းလေးယောက်က ငြင်းခုံကြတာတွေရှိပေမဲ့ ဝေဖန်မှုမရှိဘဲ အချင်းချင်း နားထောင်ပေးခဲ့ကြတယ်။ ဒီဇာတ်လမ်းက တစ်ယောက်ချင်းစီရဲ့ ဘယ်သူ့ကိုမှမပြောဖြစ်တဲ့ အခက်အခဲတွေနဲ့ စိတ်ခံစားချက်တွေကို သူငယ်ချင်းအစစ်အမှန်တွေနဲ့ အတူရှိချိန်မှ ရင်ဖွင့်တတ်လာကြတဲ့ ယောက်ျားလေးတွေရဲ့ သဘာဝကို ပေါ်လွင်အောင် ရိုက်ကူးထားဝာာပဲဖြစ်ပါတယ်။

• betrayal
• brotherhood
• confessions
• drama
• friendship
• guilt
• infidelity
• loss
• secret
• truth