The Scavenger

The Scavenger (2026)

ထောင်ကနေ လွတ်လာတဲ့နေ့မှာပဲ သူ့ညီမဟာ အာဏာနဲ့ ငွေကြေးကို အသုံးချနေတဲ့ လူဆိုးဂိုဏ်းတစ်ခုရဲ့ ပစ်မှတ်ဖြစ်နေမှန်း သိလိုက်ရတဲ့အခါ အစ်ကိုတစ်ယောက်အနေနဲ့ သူ
ဘယ်လောက်ထိ အကြမ်းဖက်ပြီး လက်စားချေသွားမလဲ။

2026 ထွက်ဒီဇာတ်ကားလေးထဲမှာတော့ Liu Fengchao၊ Huang Tao နဲ့ Yao Zhen တို့က အဓိကဇာတ်ဆောင်တွေအဖြစ် ပါဝင်ထားပါတယ်… မင်းသား Liu Fengchao နဲ့ ဒါရိုက်တာ Qin Pengfei တို့ဟာ Hebei ကိုယ်ခံပညာအဖွဲ့ကနေ အတူတူလာခဲ့ကြတဲ့သူတွေဖြစ်တာကြောင့် ဒီဇာတ်ကားရဲ့အက်ရှင်ခန်းတွေက ပိုပြီး အကြမ်းစားဖြစ်စေမှာပါ။

အိပ်မက်ကိုယ်စီနဲ့ အနုပညာလောကထဲ ဝင်ရောက်လာတဲ့ လျောင့်ဝမ်နင်ဟာ ဖျော်ဖြေရေးကုမ္ပဏီတစ်ခုရဲ့ အမှောင်ဘက်ခြမ်းထဲ မမျှော်လင့်ဘဲ ရောက်သွားခဲ့ပါတယ်…မတရားတဲ့
အပေးအယူတွေကို ငြင်းဆန်ခဲ့တာကြောင့် အန္တရာယ်နဲ့ ရင်ဆိုင်လာရတဲ့ ညီမဖြစ်သူကို ကယ်တင်ဖို့ ထောင်ကနေ မကြာသေးခင်ကမှ လွတ်လာတဲ့ အစ်ကို လျောင့်ချီရှန်ဟာ ပြန်လည်ဝင်ရောက်လာပါတော့တယ်။

ညီမကို ကယ်ဖို့အတွက် စက်ရုံထဲမှာ တိုက်ခိုက်ရင်း နောက်ဆုံးမှာတော့ အာဏာကြီးတဲ့ လူဆိုးဂိုဏ်းခေါင်းဆောင် ဖျောင်ကျင်းဟောက်နဲ့ အသက်အန္တရာယ်ချင်း ထိပ်တိုက်ရင်ဆိုင်ရပါတော့တယ်။
ဒါပေမဲ့ ဒီအမှုရဲ့နောက်ကွယ်မှာ ရိုးရိုးလူဆိုးဂိုဏ်းတစ်ခုထက် ပိုနက်ရှိုင်းတဲ့ လျှို့ဝှက်ချက်တစ်ခု ရှိနေပါတယ်…

သေဆုံးသွားတဲ့ မင်းသမီး ချွေးရွှယ်ယင်းချန်ထားခဲ့တဲ့ အာဏာရှိသူတွေရဲ့အမည်စာရင်းပါ ဒိုင်ယာရီနဲ့ USB က ဒီအမှောင်လောကကြီးရဲ့ အမှန်တရားကို ဖော်ထုတ်နိုင်မဲ့ အဓိကသက်သေ ဖြစ်လာပါတော့တယ်။

ညီမကို ကယ်တင်ဖို့ တစ်ယောက်တည်းနဲ့ လူဆိုးဂိုဏ်းတစ်ခုလုံးကို ရင်ဆိုင်လာတဲ့ လျောင့်ချီရှန်… သူ့ရဲ့ လက်စားချေမှုက ဘယ်အထိ ရောက်သွားမလဲ…အမှန်တရားကို ဖော်ထုတ်ဖို့
ရဲတွေနဲ့ လက်တွဲတဲ့အခါ ဒီအမှောင်ကမ္ဘာကြီးကို တကယ်ပဲ အဆုံးသတ်နိုင်ပါ့မလား… ဒီဇာတ်ကားလေးထဲမှာ ဆက်လက်ကြည့်ရှုခံစားလိုက်ကြရအောင်ပါ။

• chinese cinema
• chinese mainland
• mandarin