Apocalypse Z: New World

Apocalypse Z: New World (2026)

IMDb Rating (6.9)

Apocalypse Z: New World (၂၀၂၆) ရုပ်ရှင်ကားဟာ ၂၀၂၄ ခုနှစ်က ထွက်ရှိပြီး အောင်မြင်ခဲ့တဲ့ စပိန် ဇွန်ဘီဇာတ်ကား Apocalypse Z: The Beginning of the End ရဲ့ အဆက် ဇာတ်ကားသစ်လေးဖြစ်ပါတယ်။ ဒီကားကို အောက်တိုဘာလ ၃၀ ရက်နေ့ကစပြီး Amazon Prime Video ကနေ ကမ္ဘာတစ်ဝန်း ထုတ်လွှင့်ပြသနေပြီ ဖြစ်ပါတယ်။

ဇာတ်လမ်းကတော့ TSJ ဗိုင်းရပ်စ် ကူးစက်မှုကြီးဖြစ်ပွားပြီးနောက်ပိုင်း ဥရောပရဲ့ နောက်ဆုံးခိုလှုံရာနေရာဖြစ်လာတဲ့ ကနေရီကျွန်းစု (Canary Islands) ကနေ စတင်ပါတယ်။ ရှင်သန်ကျန်ရစ်သူတွေဟာ ထောက်ပံ့ရေးပစ္စည်းတွေ ရှာဖွေဖို့အတွက် ဗိုင်းရပ်စ်တွေ ဖုံးလွှမ်းနေတဲ့ မက်ဒရစ်မြို့ဆီကို အသက်စွန့်ပြီး ခရီးထွက်ခဲ့ရပါတယ်။ အဲဒီအဖွဲ့ထဲကို ရော်ဘတ်တို ဆိုတဲ့လူတစ်ယောက်က မရိုးသားတဲ့ ရည်ရွယ်ချက်တွေနဲ့ ဝင်ရောက်လာတဲ့အခါ ဇာတ်လမ်းက ပိုပြီး ရှုပ်ထွေးသွားပါတယ်။

အသက်အန္တရာယ်ပေးမဲ့ ဇွန်ဘီအုပ်ကြီးတွေကြားမှာ ပိတ်မိနေတဲ့အပြင်၊ ကိုယ့်လူအချင်းချင်း သစ္စာဖောက်မှုတွေနဲ့ပါ ရင်ဆိုင်ရတဲ့အခါ ကိုယ်လွတ်ရုန်းမလား၊ ဒါမှမဟုတ် ကျန်ရစ်တဲ့ လူသားတွေအတွက် ကိုယ့်အသက်ကို စွန့်မလား ဆိုတဲ့ ခက်ခဲတဲ့ ရွေးချယ်မှုတွေကို ရင်ခုန်စိတ်လှုပ်ရှားဖွယ် ကြည့်ရှုရမှာပါ။

သရုပ်ဆောင်တွေအနေနဲ့ ကားလို့စ် အယ်လ်ကိုက်ဒ်၊ ဂျူလီယာ မာတီနက်ဇ် တို့ အဓိကပါဝင်ထားပြီး၊ ပထမကားထဲက ပရိသတ်တွေ အချစ်တော် ကြောင်လေး Lúculo ကလည်း ဆက်လက် ပါဝင်ထားပါတယ်။ ဒါ့အပြင် ပထမကားက ပရစ်ချန်ကို အဖြစ် သရုပ်ဆောင်တဲ့ ဂျို့စ် မာရီယာ ရပ်ဇ်ပစ်ခ် နဲ့ လူစီယာ အဖြစ် သရုပ်ဆောင်တဲ့ ဘာတာ ဗက်ဇ်ကက်ဇ် တို့လည်း ပြန်လည်ပါဝင်ထားကြပါတယ်။

ဇာတ်လမ်းသွား ပိုကျယ်ပြန့်လာပြီး ဇွန်ဘီအုပ်ကြီးတွေ ပိုများလာသလို၊ အက်ရှင်အခန်းတွေကိုလည်း ပိုမိုက်အောင် ရိုက်ကူးထားတဲ့ ဇွန်ဘီ သည်းထိတ်ရင်ဖို ဇာတ်ကားကောင်းလေးမို့ ဇွန်ဘီကား ကြိုက်သူတွေ သေချာပေါက် ကြည့်ကြည့်ဖို့ ညွှန်းပေးလိုက်ပါတယ်ဗျာ။

• based on novel or book
• sequel
• zombie