Bangkok Dog

အက်ရှင်ကားကြမ်းကြမ်းတွေကို ကြိုက်တဲ့သူတွေအတွက် တကယ်မိုက်တဲ့ အမေရိကန်-ဘန်ကောက် အက်ရှင်ကားသစ်တစ်ကားကို တင်ဆက်ပေးလိုက်ပါတယ်။

မင်းသားကိုယ်တိုင်က ကိုယ်ခံပညာရှင်ဖြစ်ပြီး ဒီအတွေ့အကြုံတွေနဲ့ပဲ ဟောလီးဝုဒ်ရုပ်ရှင်လောကထဲဝင်လာတာဖြစ်တဲ့ D.Y. Sao ဖြစ်ပါတယ်။ ခေတ်သစ် ဘရုစ်လီတို့ ဂျက်ကီချမ်းတို့လိုတောင် တင်စားရအောင် အက်ရှင်ချကွက်တွေက မိုက်လွန်းပါတယ်။

ဇာတ်ညွှန်းအနေအထားကလည်း ဖန်တရာထေထပ်နေပြီဖြစ်တဲ့ ဇာတ်ညွန်းတွေလိုမဟုတ်ဘဲ တစ်မျိုးတစ်ဖုံဖန်တီးထားတဲ့အပြင် မင်းသမီးကလည်း ချောတဲ့အတွက် အဖက်ဖက်ကကြည့်လို့ကောင်းမဲ့ ဇာတ်ကားပဲဖြစ်ပါတယ်။

ဇာတ်လမ်းအစမှာတော့ LS-75 ဆိုတဲ့အမေရိကန်လျှို့ဝှက်တပ်ဖွဲ့က အေးဂျင့်နှစ်ယောက်ဖြစ်တဲ့ အန်ဒရူးနဲ့ ကိတ်တလင်းတို့ကိုတွေ့ရမှာဖြစ်ပြီး သူတို့ရဲ့လက်ရှိစစ်ဆင်ရေးကတော့ မှောင်ခိုကူးလာတဲ့ မူးယစ်ဆေးတွေကိုဖမ်းဆီးရမှာဖြစ်ပါတယ်။ ဒီလိုနဲ့စစ်ဆင်ရေးအောင်မြင်ခဲ့ပြီးနောက်မှာတော့ ဒီမူးယစ်ဆေးတွေကို ထိုင်းကနေအမေရိကန်ကို တင်ပို့နေကြောင်း သိခဲ့ရပါတော့တယ်။

အဲ့ဒါကြောင့် အေးဂျင့်အန်ဒရူးက မှောင်ခိုကူးပေးတဲ့ ဘန့်ဇ်ဆိုတဲ့လူဆိုးနေရာကနေအသွင်ယူပြီး ထိုင်းမှာကိုယ်တိုင်ကိုယ်ကျ သွားရောက်စုံစမ်းဖိုဆုံးဖြတ်ခဲ့ပါတော့တယ်။ ဒီလိုနဲ့အေးဂျင့်အန်ဒရူး ထိုင်းကိုရောက်လာခဲ့ပြီး ဒီမူးယစ်မှောင်ခိုလုပ်ငန်းကြီးရဲ့နောက်ကွယ်က လူဆိုးဂေါင်ကြီးကို ဘယ်လိုစုံစမ်းဖမ်းဆီးသွားမယ်ဆိုတာကို အက်ရှင်တွေ အပစ်အခတ်တွေနဲ့ စိတ်ဝင်စားစရာရှုစားရမဲ့ ဇာတ်ကားပဲဖြစ်ပါတယ်။

• စစ်ဆင်ရေး
• မူးယစ်မှောင်ခို
• လျှို့ဝှက်တပ်ဖွဲ့