Materialists

ဇာတ်ကားပိုစတာထွက်တုန်းက မြင်မိတော့ သုံးအချို့လို့ ထင်ခဲ့မိပေမဲ့ မမ ဒါကိုတာတစ်ယောက် အတောင့်အဖြောင့်ဘဲကြီးနှစ်ဗွေကြားမှာ ဗျာများရမဲ့ဇာတ်ကားလေးပါ။ ဟောလိဝုဒ်ရဲ့ ခေါင်သုံးယောက်ကို တစ်ကားတည်းမှာ ကြည့်ရတာနဲ့တင် တန်နေပါပြီ။

ဇာတ်လမ်းအကျဉ်း

လူစီက အောင်သွယ်တော်လုပ်ပေးတဲ့ကုမ္ပဏီမှာ အချစ်ပျောက်ငှက်ငယ်တွေကို နဖူးစာရွာလည်စေတဲ့ ဖူးစာရေးနတ်သမီးလေးပေါ့။ လူစီရဲ့ အကျိုးဆောင်မှုကြောင့် အခုဆို လက်ထပ်သွားတဲ့စုံတွဲ ကိုးတွဲတောင်ရှိပါပြီ။ နောက်ဆုံးတစ်တွဲကတော့ သူမကို လက်ထပ်ဖိတ်စာပို့ထားတဲ့အတွက် လူစီတစ်ယောက် သတို့သမီးနဲ့ သတို့သားကို ဂုဏ်ပြုချင်တာကတစ်ကြောင်း အောင်သွယ်ရေး ပရိုမိုးရှင်းဆင်းချင်တာကတစ်ကြောင်းနဲ့ မင်္ဂလာဆောင်ကို သွားရောက်ခဲ့ပါတယ်။

မင်္ဂလာဆောင်ပါတီကိုရောက်တော့ သူမဟာ သတို့သားရဲ့အစ်ကိုဖြစ်သူ ဟယ်ရီဆိုတဲ့ Daddy type ရုပ်ရှိငွေလျှံဘဲကြီးနဲ့ ကြုံကြိုက်သွားခဲ့ရင်း စကားပြောဖြစ်ကြပါတယ်။ သူတို့နှစ်ယောက်သား ကီးကိုက်သလို ရှိနေပြီး ဟယ်ရီကလည်း သူမကို စိတ်ဝင်စားနေပါတယ်။ အဲအချိန်မှာ သူမ ငါးနှစ်တာတွဲခဲ့တဲ့ ရည်းစားဟောင်း ငမွဲကောင်လေး ဂျွန်က မင်္ဂလာဆောင်မှာ စာပွဲထိုးဝင်လုပ်ရင်းက သုံးယောက်သား တေ့တေ့ဆိုင်ဆိုင် တွေ့ကြပါတော့တယ်။

အဲလိုကနေ လူစီတစ်ယောက် ငါးနှစ်တာချစ်ခဲ့တဲ့ ရည်းစားဟောင်း ဂျွန်ဆီကိုပဲ စိတ်ပြန်ပါသွားမလား၊ အရွယ်ရောက်ရင့်ကျက်လာပြီး အခြေတကျဖြစ်ချင်တဲ့စိတ်ကြောင့် ဟယ်ရီဆီကိုပဲ စိတ်ယိုင်သွားမလားဆိုတာကို ကြည်နူးဖွယ် ကြည့်ရှုရမှာဖြစ်ပါတယ်။

• adoring
• affectation
• class differences
• ex-boyfriend ex-girlfriend relationship
• love triangle
• matchmaker
• new york city
• sexual assault
• wedding
• woman director