Never a Thief

ဟောင်ကောင်အက်ရှင်ကားတွေကြည့်ပြီး နောက်ပိုင်းအက်ရှင်ကားတွေ မတိုးတော့ဘူးဆိုတဲ့ ပရိသတ်ကြီးအတွက် ဒီရုပ်ရှင်လေးကို ကြည့်ကြဖို့ တိုက်တွန်းချင်ပါတယ်။ တိုက်ကွက်တွေနဲ့ ထိုးချက်တွေကို အားရပါးရ ကြည့်ရမှာ ဖြစ်ပါတယ်။
ဇာတ်လမ်းအကျဉ်းကတော့-

အာမခံကုမ္ပဏီက စုံစမ်းသူ ကျောက်ကျီဟာ ပျောက်ဆုံးသွားတဲ့ အနုပညာပစ္စည်းကိုပြန်ရှာဖို့အတွက် ပစိဖိတ်သမုဒ္ဒရာထဲက ကျွန်းနိုင်ငံတစ်ခုကို ရောက်လာခဲ့ပါတယ်။ သူ့ရဲ့ ထူးချွန်လှတဲ့ သော့ဖွင့်နိုင်စွမ်းကြောင့်
သခင်ရှန့်က ဦးဆောင်တဲ့ ရှေးဟောင်းပစ္စည်းခိုးယူအဖွဲ့ထဲ ပါဝင်ပူးပေါင်းခဲ့ပါတယ်။ ဖြောင့်မတ်တဲ့ ကျောက်ကျီတစ်ယောက် သူခိုးအလုပ်ကို အထင်သေးပေမဲ့ လွန်ခဲ့တဲ့ ၁၀ နှစ်က ပျောက်ဆုံးသွားတဲ့
အဖေ့ကိုရှာဖို့အတွက် သူခိုးအဖွဲ့နဲ့ ပူးပေါင်းခဲ့ပါတယ်။

အဖွဲ့ထဲက အရည်အချင်းကိုယ်စီရှိကြတဲ့ အဖွဲ့ဝင်တွေနဲ့ပူးပေါင်းပြီး စိတ်လှုပ်ရှားစရာကောင်းတဲ့ ခိုးယူခြင်းလှုပ်ရှားမှုတွေကို လုပ်ဆောင်ခဲ့ပါတယ်။ ကျောက်ကျီရဲ့အဖေဟာ ဘာကြောင့် သတင်းလုံးဝမရဘဲ ပျောက်ဆုံးသွားရသလဲ……ဖြောင့်မတ်သူဟာ သူခိုးအလုပ်ကို စိတ်ဖြောင့်ဖြောင့်နဲ့ လုပ်နိုင်ပါ့မလား……သူတို့ရဲ့ ရန်သူက ဘယ်သူဖြစ်မလဲ…… ဆိုတာကို ဆက်လက်ကြည့်ရှုလိုက်ရအောင်နော်။