Olympus Has Fallen

Mike ဟာ U.S. Army Ranger ကနေ သမ္မတကြီးရဲ့ အထူးလုံခြုံရေး ခေါင်းဆောင်တစ်ယောက် ဖြစ်လာခဲ့သူပါ။ Mike ဟာ သမ္မတကြီးရဲ့ အထူးလုံခြုံရေး တာဝန်တင်မကဘဲ သမ္မတကြီးရော သမ္မတကြီးမိသားစုနဲ့ပါ မိသားစုဝင်တစ်ယောက်ကဲ့သို့ ရင်းနှီးနေသူလည်း ဖြစ်ပါတယ်။ Christmas ညတစ်ညမှာတော့သမ္မတကြီးနဲ့ သူ့ရဲ့ မိသားစုတို့  ညစာစားပွဲတစ်ခုတတ်ရောက်ဖို့ Mike က ဦးဆောင်ပြီး ထွက်ခွာလာခဲ့ပါတယ်။

Christmas ညတစ်ညဖြစ်တာနဲ့အညီ နှင်းတွေကအရမ်းကျနေပြီး လေတွေလည်း အရမ်းတိုက်နေပါတယ်။ ကားကိုသတိထားမောင်းနေပေမယ့်လည်း မထင်မှတ်ပဲ သမ္မတကြီးကားရှေ့ခန်းကို သစ်ပင်တစ်ပင် ကျိုးကျခဲ့ပြီး အရှိန်မထိန်းနိုင်ရာကနေသမ္မတကြီး စီးလာတဲ့ကားဟာ တံတားပေါ်က ပြုတ်ကျသွားခဲ့ပြီး ခက်ခဲတဲ့အခြေအနေကြောင့် အရေးကြီးတဲ့ သမ္မတကြီးကိုပဲကယ်တင် နိုင်ပြီး သမ္မတကတော်ကို ဆုံးရှုံးခဲ့ရပါတယ်။

မိန်းမကို ဆုံးရှုံးခဲ့ရပြီး စိတ်ထိခိုက်သွားတဲ့ သမ္မကြီးဟာဆုံးဖြတ်ချက် အမှားတစ်ခုကိုချခဲ့မိပါတယ်။ ဒါကတော့ Mike ကိုလုံခြုံရေး ခေါင်းဆောင် ရာထူးကနေအနားပေးလိုက်ပါတယ်။ 18 လ အကြာမှာတော့ တောင်ကိုရီးယား ဝန်ကြီးချုပ်နဲ့ သမ္မတတို့ အိမ်ဖြူတော်မှာ တွေ့ဆုံစကားပြောနေတဲ့အခိုက် သမ္မတကြီးရဲ့လုံခြုံရေး ခေါင်းဆောင်အသစ်နဲ့ တောင်ကိုရီးယား ဝန်ကြီးချုပ်လုံခြုံရေးခေါင်းဆောင်တို့ ပူးပေါင်းပြီး အိမ်ဖြူတော်ကို စတင်သိမ်းပိုက် လိုက်ပါတယ်။

အကွက်ကျကျ စီစဉ်ထားပြီး ရုတ်တရက်တိုက်ခိုက်တဲ့အတွက် အိမ်ဖြူတော်ကလုံခြုံရေးတွေ အငိုက်မိသွားကြပါတယ်။ အိမ်ဖြူတော်တိုက်ခိုက်ခံနေရတဲ့သတင်းကို Mike တစ်ယောက်ကြားတော့ ချက်ချင်းရောက်လာပြီး အိမ်ဖြူတော်လုံခြုံရေးဘက်ကဝင်ရောက် ကူညီပေးရာကနေ အိမ်ဖြူတော်ထဲမှာ သူတစ်ယောက်ထဲအသက်ရှင်လျှက် ပိတ်မိနေပါတော့တယ်။ သမ္မတကြီး အသက်နဲ့ချိန်းခြောက်လို့ အင်အားသုံးပြီး အိမ်ဖြူတော်ကို ပြန်သိမ်းလို့ မရတဲ့အတွက် နောက်ဆုံးမျှော်လင့်ချက် အနေနဲ့ Mike ကိုပဲ အတွင်းမှာပြန်လည်တိုက်ခိုက်ပေးဖို့ ဒုသမ္မတက အမိန့်ပေးလိုက်တဲ့ အခါမှာ Mike တစ်ယောက် တာဝန်ကျေပါ့မလား ဆိုတာ…

#OlympusHasFallen #MyanmarSubtitleMovies #မြန်မာစာတန်းထိုးဇာတ်ကားများ #Online #Games #Myanmar #OnlineGamesMyanmar

• Olympus Has Fallen