The Killer

ပစ်မှတ်ကိုမလွဲဖူးတဲ့ ကြေးစားလူသတ်သမားတစ်ယောက် ပထမဆုံးလွဲသွားတဲ့အခါ ဘာဖြစ်လာလဲ။ ဒီရုပ်ရှင်ကိုတော့ Seven, Zodiac တို့လို အနုပညာမြောက်ကားတွေကို ဖန်တီးခဲ့တဲ့ ဒါရိုက်တာ ဒေးဗစ်ဖင်ချာက ရိုက်ကူးထားတာပဲဖြစ်ပါတယ်။
အဓိကဇာတ်ကောင် ကြေးစားနေရာမှာတော့ X-men ထဲက မက်ဂနီတိုမင်းသား မိုက်ကယ် ဖက်စ်ဘန်ဒါက ပါဝင်ထားပါတယ်။
ဇာတ်လမ်းကတော့ နာမည်ကျော် ပြင်သစ်ရုပ်ပြဝတ္ထုတစ်အုပ်ကို ကိုးကားပြီး Seven ရဲ့ ဇာတ်ညွှန်းဆရာ Andrew Kevin Walker ကပဲ ရေးသားပေးထားတာပါ။
ဇာတ်လမ်းအကျဉ်းကတော့ ဘဝမှာ ကိုယ်ရေးကိုယ်တာခံစားချက်ဘာမှမပါဘဲ၊ နိုင်ငံတွေ ဘာသာတွေ ယုံကြည်ချက်တွေမထားဘဲ၊ ငွေအတွက်သက်သက် ကြေးစားလူသတ်သမားလုပ်နေတဲ့သူ။ မအောင်မြင်တဲ့အလုပ်မရှိခဲ့တဲ့သူတစ်ယောက်ဟာ တစ်နေ့မှာ ပစ်မှတ်ကိုလွဲချော်သွားခဲ့တယ်။ ဒီလောကမှာ နောက်ဆက်တွဲပြဿနာတွေတက်လာရင် သဲလွန်စတွေကို ရှင်းလင်းကြတာ သဘာဝပဲမို့ သူ့ကိုလည်း အလုပ်အပ်တဲ့သူက သတ်ဖို့ ကြိုးစားလိုက်ပါတယ်။
ဒါပေမဲ့ မသေသွားတဲ့အခါမှာတော့ သူကလည်း သူ့ကိုသတ်မဲ့လူတွေကို တစ်ဆင့်ပြီးတစ်ဆင့်လိုက်ရှာပြီး ဇစ်မြစ်ဆီကို ရောက်အောင်သွားရပါတော့တယ်။
ဇာတ်လမ်းကတော့ ရိုးရှင်းသလိုပါပဲ။
အဓိကက တွေးစရာလေးတွေနဲ့ ဒိုင်ယာလော့ အလှအပလေးတွေနဲ့ တန်ဆာဆင်ပြီး မဲပြာပုဆိုးဇာတ်လမ်းတစ်ခုကနေ အနုပညာလက်ရာတစ်ခုကို ထုတ်ပြလိုက်တာပဲဖြစ်ပါတယ်။

• The Killer