The Stage

The Stage (2025)

ချင်းမင်းဆက်နဲ့ တရုတ်သမ္မတနိုင်ငံခေတ်ကြားကာလမှာ စစ်မက်များ မကြာခဏ ဖြစ်ပွားနေခဲ့ပါတယ်။ ဝူချင့်ဇာတ်အဖွဲ့ရဲ့ ဇာတ်ဆရာကြီးဟိုရှီထင်က နာမည်ကြီးသရုပ်ဆောင်တွေ သယ်ရှန့်ဇာတ်ရုံကြီးမှာ လာရောက်ဖျော်ဖြေဖို့ ခေါ်လာခဲ့ပါတယ်။ ဒါပေမဲ့ မျှော်လင့်မထားပဲ ပထမဆုံးဖျော်ဖြေပွဲရဲ့ အဓိကဇာတ်ဆောင်နေရာမှာ ပေါက်စီဆိုင်က အလုပ်သမားလေး တာ့စန်းက ပါဝင်သရုပ်ဆောင်ခဲ့ရတဲ့အလွဲတွေနဲ့ ဟာသဇာတ်ကားဖြစ်ပါတယ်။

ဟာသဇာတ်လမ်းဆိုပေမဲ့ နောက်ဆုံးမှာတော့ အယုတ်၊အလတ်၊ အမြတ်မရွေးဖျော်ဖြေရတဲ့ ဇာတ်အဖွဲ့သားတွေရဲ့ဘဝကြောင့် ရင်ထဲမှာတစ်ခုခုတော့ ထင်ကျန်ခဲ့မဲ့ ဇာတ်ကားပဲဖြစ်ပါတယ်။

ပရိသတ်အားလုံးက နာမည်ကြီးမင်းသား ကျင်းရှောက်ထျန်းရဲ့ ပွဲကို စိတ်အားထက်သန်စွာ စောင့်မျှော်နေကြသော်လည်း၊ မြို့ကိုတိုက်ခိုက်သိမ်းပိုက်ပြီး ဘုရင်တစ်ဆူဖြစ်လာတဲ့ တပ်မှူးဟုန်ကတော့
“ဘုရင်နှုတ်ဆက်ပွဲ” ဇာတ်ကို တာ့စန်းကိုသာ သီဆိုကပြဖို့ အမည်တပ် အမိန့်ပေးခဲ့ပါတယ်။

ဇာတ်အဖွဲ့ရဲ့ ဂုဏ်သတင်းက ကျဆင်းလုနီးပါးဖြစ်နေချိန်မှာ စင်ရှေ့မှာတော့ ပရိသတ်တွေက လက်မှတ်ပြန်အမ်းလို့ ဇာတ်ရုံကို ဖျက်ဆီးမယ် ခြိမ်းခြောက်နေကြတဲ့အတွက် ဇာတ်ရုံမန်နေဂျာဝူက
အလွန်အမင်း စိတ်ဆင်းရဲနေရပါတယ်။ စင်နောက်မှာတော့ တပ်မှူးဟုန်က သေနတ်ကိုင်ကာရမ်းကားနေတဲ့အတွက် အားလုံးကြောက်လန့်တုန်လှုပ်နေကြရတယ်။

စင်ရှေ့ရော စင်နောက်မှာပါ အခြေအနေတွေက ပရမ်းပတာဖြစ်နေပြီး အမျိုးသားမင်းသမီး ဖုန့်ရှောင်ထုံ၊ ယဉ်ကျေးမှုဌာနမှ ညွှန်ကြားရေးမှူး ရွှီမင်လီ နဲ့ သစ္စာမရှိတဲ့ တပ်မှူးဟုန်ရဲ့(၆)ယောက်မြောက်မယားငယ် တို့လည်း
ရယ်ရခက် ငိုရခက် အရှုပ်တော်ပုံထဲသို့ ပါဝင်ပတ်သက်လာကြတဲ့အခါ……

စင်ပေါ်မှာတော့ ဘုရင်က အားနဲ့မာန်နဲ့ သီဆိုကပြနေပြီး စင်အောက်မှာတော့ လူ့ဘဝရဲ့ အဓိပ္ပာယ်မဲ့ပုံရိပ်တွေက ထင်ဟပ်နေပါတယ်။ ဇာတ်အဖွဲ့ရဲ့ အသက်အိုးအိမ်ကိုလည်း ကာကွယ်ရမယ်၊ စင်အောက်က
ပရိသတ်တွေကိုလည်း စိတ်ကျေနပ်အောင် ဖျော်ဖြေရမယ်။
ကန့်လန့်ကာပွင့်သွားပြီးနောက်မှာတော့ ဒီဇာတ်ကို ဘယ်လိုဆက်ကကြမလဲ……
ဒီရုပ်ရှင်က နာမည်တူပြဇာတ်ကို ပြန်လည်အသက်သွင်း ရိုက်ကူးထားတာဖြစ်ပါတယ်။

• based on play or musical
• chinese opera