
Be Yourself (2026)
ကောင်းကင်ပေါ်ကတိမ်တွေလိုပဲ ဘဝထဲကိုဝင်လာလိုက် ပျယ်လွင့်ပျောက်ကွယ်သွားလိုက်နဲ့ ဖမ်းဆုပ်ရခက်တဲ့ ယောက်ျားတွေကိုဆုပ်ကိုင်ဖို့ကြိုးစားခဲ့ဖူးတဲ့ မိန်းကလေးတစ်ယောက်ရဲ့
အချစ်စွန့်စားခန်းလေးဖြစ်ပါတယ်။
တက္ကသိုလ်ကနေဘွဲ့ရပြီးခါစမှာပဲ ဝူရှောင်ပေဟာ သူ့ရဲ့အချစ်ဦးရဲ့ ရက်ရက်စက်စက်သစ်စိမ်းချိုးချိုးသလို ဖြတ်တာကိုခံလိုက်ရပါတယ်။
ငယ်ရွယ်သေးတဲ့သူ့နှလုံးသားဟာ လုံးဝပြိုလဲသွားပါတယ်။ မမျှော်လင့်ထားပဲလမ်းခွဲခံလိုက်ရတဲ့ ရှောင်ပေဟာ စိတ်ဒဏ်ရာတွေ နာကျင်မှုတွေကြားထဲမှာနစ်မြောနေပေမဲ့
သူငယ်ချင်းကောင်းမီယာကတော့ အသက်ကယ်ဖြေဆေးလိုပဲ အနားမှာအမြဲတမ်း ရပ်တည်ဖေးမပေးနေပါတယ်။
နောက်ပိုင်းမှာတော့ အချစ်ရေးရာမှာ ကျွမ်းကျင်တဲ့ လောင်ချွေးဆိုတဲ့အစ်ကိုကြီး၊ ချစ်စရာကောင်းပြီး အလိုက်သိလွန်းတဲ့ မောင်လေး ရှောင်လီ တို့နဲ့ပတ်သက်မိခဲ့သလို ကိုယ်နဲ့
သဘောထားချင်းကိုက်ညီပေမဲ့ အနားကိုတိုးကပ်ဖို့ အရမ်းကိုခက်ခဲလွန်းတဲ့ Crush ဝမ်ကျယ်ယွမ်တို့နဲ့ မထင်မှတ်ပဲဆုံတွေ့ခွင့်ရခဲ့ပါတယ်။
အချစ်ဦးရဲ့နာကျင်မှုတွေ ဘဝရဲ့မထင်မှတ်တဲ့ ဆုံစည်းခွင့်တွေနဲ့ လွဲချော်မှုတွေကြားမှာ ဝူရှောင်ပေတစ်ယောက် ကိုယ်ပိုင်အချစ်ရဲ့အဖြေမှန်ကို ဘယ်လိုရှာတွေ့သွားမလဲဆိုတာ ရင်ခုန်စရာတွေနဲ့ စောင့်ကြည့်ရမဲ့ ဒရာမာကောင်းလေးပဲဖြစ်ပါတယ်။