Anecdotes of Ape Mountain

Anecdotes of Ape Mountain (2026)

ဒီတစ်ခါမှာတော့ ပရိသတ်ကြီးအတွက် ထူးခြားဆန်းကြယ်ပြီး စိတ်လှုပ်ရှားဖွယ်ရှေးခေတ်သိုင်းကားကောင်းလေးတစ်ကားကို ယူဆောင်လာခဲ့ပါပြီ။

ဇာတ်လမ်းလေးကတော့ ‌တစ်ခါက ယွမ်တိုင်းပြည်လို့ခေါ်တဲ့တိုင်းပြည်မှာ ခေတ်အဆက်ဆက်မင်းတွေကိုရွေးချယ်တဲ့အခါတိုင်း သူတို့ကိုးကွယ်တဲ့
မျောက်နတ်ဘုရားကိုသာရွေးချယ်စေပြီး မျောက်နတ်ဘုရားရွေးချယ်ပေးတဲ့သူကိုသာ ဘုရင်မြောက်စားကြပါတယ်။

သို့ပေမဲ့ ဒီတစ်ခေါက် ရှင်ဘုရင်ရွေးချယ်ပွဲလုပ်ခါနီးအချိန်မှာ သူတို့ရဲ့မျောက်နတ်ဘုရားက အသိစိတ်ပျောက်ပြီး ဖုတ်ကောင်လိုမျိုးလူတကာကိုလိုက်လံတိုက်ခိုက်ပါတော့တယ်။
ဒါ့အပြင် တိုင်းပြည်ရဲ့အနီးနားပတ်ဝန်းကျင်ကနိုင်ငံငယ်လေးတွေမှာလည်း အဲဒီလိုလူစင်စစ်ကနေ ပုပ်သိုးအလောင်းကောင်ဖြစ်ပြီး မကြာခဏ လူတွေကို လိုက်လံသတ်ဖြတ်တယ်ဆိုတဲ့သတင်းကလည်း တစ်စထက်တစ်စပျံ့နှံ့လာနေပါတော့တယ်။

ဒီလိုနဲ့ တိုင်းပြည်ရဲ့အတိုင်ပင်ခံလည်းဖြစ်၊ ဘုရင်ကြီးရဲ့လူယုံလည်းဖြစ်တဲ့ ဝန်ကြီးယွီဝမ်က အစွမ်းထက်တဲ့ကျင့်ကြံရေးဆရာတော်တစ်ပါးရဲ့တပည့်ဖြစ်သူ ရွှမ်ကျင့်ကို ဒီပြဿနာတွေကိုဖြေရှင်းပေးဖို့ မြို့တော်ကိုခေါ်လိုက်တဲ့အချိန်မှာတော့….
ဒီလိုရုတ်တရက်ပေါ်လာတဲ့ လမ်းလျှောက်ပုပ်ပွအလောင်းတွေရဲ့နောက်ကွယ်ကတရားခံကဘယ်သူဖြစ်မလဲ ..ဒီလိုပြဿနာတွေကိုရော ဘယ်လိုနည်းနဲ့နှိမ်နင်းသွားမလဲဆိုတာကို စိတ်လှုပ်ရှားဖွယ်ကြည့်ရမှာဖြစ်လို့ အခုပဲကြည့်လိုက်ပါတော့နော်…