
Breakout Brothers 3 (2022)
ဇာတ်လမ်းအညွှန်း >>
အရင်တစ်ကြိမ် ထောင်ဖောက်ဖို့ ကြိုးစားရာမှာ မအောင်မြင်ခဲ့တဲ့ Ho Chun ဟာ ကျန်နေတဲ့ ပြစ်ဒဏ်ကို ဆက်ကျခံဖို့ ထောင်ထဲ ပြန်ရောက်လာပါတယ်။ အဲဒီအချိန်မှာပဲ
ထောင်မှူးဟောင်း Tang Hon-chung လည်း လာဘ်စားမှုနဲ့ ပြစ်ဒဏ်ချမှတ်ခံရပြီး သူအရင်က အုပ်ချုပ်ခဲ့တဲ့ ထောင်ထဲကို အကျဉ်းသားအဖြစ် ရောက်လာပါတယ်။
ထောင်ရဲ့ အတွင်းအပြင်နဲ့ လုပ်ပုံလုပ်နည်းတွေကို ကောင်းကောင်းသိထားတဲ့ Tang ကို တွေ့လိုက်ရတဲ့အခါ Ho Chun က ဒီတစ်ကြိမ်တော့ သူတို့နှစ်ယောက် ပူးပေါင်းရင် လွတ်နိုင်မယ်လို့ ယုံကြည်ပြီး ထောင်ဖောက်ဖို့ စည်းရုံးပါတော့တယ်။
Tang ကလည်း သဘောတူလိုက်တာကြောင့် သူတို့နှစ်ယောက် အစီအစဉ်စဆွဲကြပါတယ်။ အဲဒီအစီအစဉ်ထဲမှာ Big Roller ကိုပါ အမှုဆင်ဖို့ ကြံစည်ထားကြတာပါ။ ဒါပေမဲ့ Ho Chun က သူတို့နှစ်ယောက် တစ်လမ်းတည်းသွားနေတယ်လို့ ထင်နေချိန်မှာပဲ Tang ဟာ နောက်ကွယ်မှာ သူ့အစီအစဉ်နဲ့သူ လှုပ်ရှားနေတာကို သိလိုက်ရပါတယ်။
ဒီတော့ Ho Chun ဟာ ကိုယ်တိုင်အမှုဆင်ဖို့ ကြံခဲ့တဲ့ Big Roller ဆီကိုပဲ ပြန်ပြီး အကူအညီတောင်းရပါတော့တယ်။ Mak Kin-tin နဲ့ ထောင်မှူးအသစ် Ma Mun-hou တို့ပါ ပါဝင်လာတဲ့အခါ
Tang ရဲ့ အကြံအစည်ကို ဖော်ထုတ်ဖို့ သူတို့ ပူးပေါင်းကြရပါတယ်။ တစ်ယောက်ကိုတစ်ယောက် အသုံးချဖို့ ကြံခဲ့ကြသူတွေ အခုလို ပြန်ပူးပေါင်းရတဲ့အခါ ဘယ်သူက ဘယ်သူ့ဘက်မှာ
တကယ်ရပ်တည်မလဲဆိုတာကလည်း စိတ်ဝင်စားစရာ ဖြစ်လာပါတယ်။
ထောင်ဖောက်မဲ့ အကြံအစည်တွေ တစ်ခုပြီးတစ်ခု ပြောင်းသွားပုံ၊ ဇာတ်ကောင်တွေ အချင်းချင်း လှည့်ကွက်ပြိုင်ကြပုံနဲ့ ကြားထဲက ဟာသအခိုက်အတန့်တွေကို သဘောကျသူတွေအတွက်
Breakout Brothers 3 က ဆက်ကြည့်လို့ကောင်းတဲ့ ဇာတ်ကားလေးတစ်ကား ဖြစ်ပါတယ်။