Gorky Resort

Gorky Resort (2026)

ဒီဖြစ်ရပ်မှန် ဒုတိယကမ္ဘာစစ်ကားကြီးကို ဒါရိုက်တာ Łukasz Palkowski ရိုက်ကူးထားပြီးတော့ Game of Thrones, The Dark Knight Rises, Peaky Blinders စတဲ့ ကားထဲမှာပါဝင်တဲ့ နာမည်ကြီးသရုပ်ဆောင် Aidan Gillen နဲ့ ပိုလန်နာမည်ကျော် သရုပ်ဆောင်တွေဖြစ်တဲ့ Suicide Room ထဲက Cold War (2018) က Jakub Gierszał, Psy (Pigs) က Tomasz Kot စတဲ့ သရုပ်ဆောင်များစွာ ပါဝင်ထားပါသည်။

ဇာတ်လမ်းအကျဉ်း
++++++++++++

၁၉၃၉ ခုနှစ် ဒုတိယကမ္ဘာစစ်အစပိုင်းမှာပဲ ဖြစ်ပါတယ်။ ဆိုဗီယက်တပ်က ပိုလန်ကိုသိမ်းပိုက်ပြီးနောက် ပညာတတ်ပိုလန်သားတွေအားလုံးကို ဖမ်းဆီခေါ်ဆောင်သွားကြပါတယ်။ Karol က ပိုလန်နိုင်ငံက နာမည်ကြီး ပီယာနိုသမားဖြစ်ပြီးတော့ ဆိုဗီယက်တပ်တွေက သူ့ကိုဖမ်းပြီး စစ်အကျဉ်းသားစခန်း (POW camp) ထဲပို့ခဲ့ပါတယ်။

ဆိုဗီယက်ခေါင်းဆောင်တွေက အဲဒီထက်မြက်တဲ့ ပိုလန်ပညာတတ်တွေကို အကျဉ်းထောင်ချချင်ရုံတင်မဟုတ်ဘဲ ဆိုဗီယက်က ပိုလန်ကို အုပ်ချုပ်လာတဲ့အချိန်မှာ အကူအညီရဖို့အတွက် အဲဒီထက်မြက်တဲ့ ပိုလန်ပညာတတ်ခေါင်းဆောင်တွေကို ကွန်မြူနစ်ဝါဒ ယုံကြည်သူတွေဖြစ်လာအောင် ဦးနှောက်ဆေးချင်တာပါ။

အေးဂျင့် Zarubin က အကျဉ်းသားတွေရဲ့ စိတ်ဓာတ်ကိုဖြိုလဲဖို့ တာဝန်ပေးခံရသူဖြစ်ပြီးတော့ သူက Karol ကို ပစ်မှတ်ထားလာပါတယ်။ သူက နာမည်ကြီးပီယာနိုသမားဖြစ်တဲ့ Karol ကိုသာ လက်လျှော့အောင်လုပ်နိုင်ခဲ့ရင် ကျန်တဲ့အကျဉ်းသားတွေအားလုံးလည်း မျှော်လင့်ချက်မဲ့ကုန်ကြမှာကို သိတယ်။

ဒါကြောင့် Zarubin ကအစပိုင်းမှာ ဖော်ဖော်ရွေရွေနဲ့ Karol ကို သူ့ရဲ့မိသားစုဆီကို ပြန်သွားနိုင်ကြောင်းနဲ့ ပီယာနိုပြန်ကစားနိုင်ကြောင်း ကတိတွေပေးခဲ့ပါတယ်။ အဲ့ဒီနည်းလမ်းအလုပ်မဖြစ်တဲ့အခါမှာလည်း ခြိမ်းခြောက် အငတ်ထား သင်းကွဲဖြစ်အောင်လုပ်ပြီး ကြိုးစားပေမဲ့ Karol ရဲ့ လက်လျှော့ဖို့ငြင်းဆန်တဲ့ သတ္တိက ကျန်တဲ့အကျဉ်းသားတွေ ဆက်ပြီးအားတင်းထားနိုင်ဖို့ ကူညီပေးခဲ့ပါတယ်။

သမိုင်းကြောင်းနောက်ခံ အကျဉ်း
+++++++++++++++++++++

1939 စက်တင်ဘာ 17 ရက်မှာ ဆိုဗီယက်တပ်က ပိုလန်ကို အရှေ့ဘက်က ဝင်တိုက်ခဲ့တယ်။ ထို့နောက် ပိုလန်နိုင်ငံကို ဂျာမဏီနဲ့ ဆိုဗီယက်က နှစ်ဖက်ခွဲပြီး ထိန်းချုပ်ခဲ့ကြတယ်။ ဆိုဗီယက်ခေါင်းဆောင်တွေက ပိုလန်ပညာတတ် ဆရာဝန်၊ အရာရှိ၊ အနုပညာရှင်စတဲ့ အထက်တန်းလူတွေကို အစုလိုက်အပြုံလိုက် ဖမ်းဆီးပြီးတော့စစ်အကျဉ်းသားစခန်း (POW camps) တွေထဲ ပိုခဲ့ပါတယ်။

ဆိုဗီယက်စနစ်က သာမန်ထောင်တွေလိုမဟုတ်ဘဲ ရုပ်ပိုင်းဆိုင်ရာအကြမ်းဖက်မှုထက် စိတ်ပိုင်းဆိုင်ရာလှည့်စားပြီး ဦးနှောက်ဆေးတဲ့နည်းလမ်းကို အသုံးပြုခဲ့ကြပါတယ်။ သူတို့ရဲ့ရည်ရွယ်ချက်က စိတ်ကိုရိုက်ချိုးပြီးတော့ စနစ်ကို လက်ခံလာအောင်လုပ်ဖို့ပါပဲ။ ဒီလုပ်ငန်းတွေကို NKVD ဆိုတဲ့ လုံခြုံရေးအဖွဲက ဆောင်ရွက်ပြီးတော့ စုံစမ်းမေးမြန်းမှု၊ ဝါဒဖြန့်မှု၊ ခြိမ်းချမ်းမှုတွေနဲ့ လူတွေကိုထိန်းချုပ်ခဲ့ပါတယ်။

• espionage
• historical drama
• indoctrination
• pianist
• prisoners of war
• psychological manipulation
• resistance
• russian prison
• survival
• world war ii