
Hotel Bitcoin ဇာတ်ကားလေးကတော့ အလွဲလွဲအချော်ချော် ပြဿနာမျိုးစုံတွေ့နေကျ သူငယ်ချင်းတစ်စုနဲ့ သူတို့ရရှိထားတဲ့ Virtual Currency အကြောင်းကိုရိုက်ကူးထားတဲ့ စပိန်ဟာသဇာတ်ကားတစ်ကားပဲဖြစ်ပါတယ်။ ဘာလုပ်လုပ် လွဲလိုက် မှားလိုက်ဖြစ်နေကျ သူငယ်ချင်းလေးယောက်မှာ အမြဲတမ်းတလွဲအကြံထွက်တဲ့ Alejo က ခေါင်းဆောင်ကြီးပေါ့။
တစ်နေ့ Alejo က အကြွေးရှင်တွေကိုရှောင်ဖို့ လေယာဉ်လက်မှတ်ဝယ်တဲ့အခါ Laptop ပျက်တာနဲ့ ကြုံခဲ့ရပြန်ပါတယ်။ အဲလိုနဲ့ သူတို့အရင်လုပ်ခဲ့တဲ့လုပ်ငန်းအတွက် သုံးဖို့ဝယ်ထားတဲ့ Laptop ကို ပြင်ပြီးသုံးဖို့ သူငယ်ချင်းကို အကူအညီတောင်းတဲ့အခါမှာတော့…သူတို့သူငယ်ချင်းတစ်စု ဘယ်လိုကံကြမ္မာအလှည့်အပြောင်းတွေကြုံကြရမလဲ…ဆက်ပြီးတော့ ကံဆိုးကြဦးမလား…ရထားတဲ့ကံကောင်းခြင်းကိုရော ထပ်ပြီး လက်လွှတ်ရဦးမလား…ဆိုတာကို အလွဲလေးတွေနဲ့အတူ ရယ်မောရင်း ကြည့်ရှုရမဲ့ Comedy ဇာတ်ကားကောင်းလေးပဲဖြစ်ပါတယ်။