Mardaani 2

Mardaani – 2 ဟာ ၂၀၁၄ ကထွက်ရှိခဲ့တဲ့ Mardaani ရဲ့ sequel ဖြစ်ပြီး ၂၀၁၉ ခုနှစ်မှာ ထွက်ရှိခဲ့တာပဲဖြစ်ပါတယ်။ ထိပ်တန်းရဲတစ်ယောက်ဖြစ်တဲ့ Shivani Shivaji Roy ဟာ ရက်စက်ကြမ်းတမ်းတဲ့ ကွင်းဆက်လူငယ် စိတ္တဇလူသတ်သမားနဲ့ စိန်ခေါ်တဲ့အခါ ဘယ်လိုဆက်ဖြစ်လာမလဲ။ လူသတ်ရုံတင်မဟုတ်ဘဲ မိန်းမငယ်လေး တွေကို နှိပ်စက် မုဒိမ်းကျင့်ပြီးမှ ရက်ရက်စက်စက်သတ်ဖြတ်တတ်တဲ့ စိတ္တဇလူသတ်သမားကို နောက်ထပ်ပစ်မှတ်ထား မသတ်ခင် Shivani Shivaji Roy တစ်ယောက် လက်ပူးလက်ကြပ် ဖမ်းလိုက်နိုင်မလား ဘာတွေဖြစ်ကြဦးမလဲဆိုတာ ရင်မောစွာနဲ့ ကြည့်ရမယ့် ကားကောင်းလေးတစ်ကားပဲဖြစ်ပါတယ်။

ရိုးရာဓလေ့ ထုံးတမ်း အစဥ်အလာတွေ ကြီးမားလွန်းတဲ့ အိန္ဒိယနိုင်ငံမှာ ရှိတဲ့ အမျိုးသမီးတွေရဲ့ အခွင့်အရေးနဲ့ပက်သက်ပြီး လှုံ့ဆော်ထားတဲ့ ဇာတ်ကားလေးတစ်ကားဆိုရင်လည်း မမှားပါဘူး။ အမြဲတမ်းဖိနှိပ်ခံ ဘောင်သွင်းမခံရတဲ့အမျိုးသမီးတွေဖက်က မားမားရပ်တည်ပေးတဲ့ ထိပ်တန်းရဲ Shivani Shivaji Roy ရဲ့ မကြောက်မရွံ့ ကြိုးစားမှုတွေ အပြင် အပြင်လောကမှာ ရှိနေတဲ့ စိတ္တဇလူသတ်သမား psychopath တွေရဲ့ အခြေအနေတွေကိုလည်း မီးမှောင်းထိုးပြသွားပါတယ်။ သရုပ်ဆောင်တွေရဲ့ ပီပြင်မှုတွေ အပြင် ဇာတ်လမ်းဇာတ်ကွက်စေ့စပ်မှု၊ ဇာတ်အိမ်ခိုင်မှုတို့ကြောင့် မှုခင်းဇာတ်လမ်းချစ်သူတို့အတွက်တော့ မဖြစ်မနေကြည့်သင့်တဲ့ ဇာတ်ကားလေး တစ်ကားပဲ ဖြစ်ပါတယ်။