Monster Mash

ဒီရုပ်ရှင်ဟာဆိုရင်တော့ ဒရက်ကူလာ၊ ကိုယ်ပျောက်လူသား၊ မံမီ၊ သမန်းဝံပုလွေ၊ ဖရန်ကင်စတိုင်း၊ အစရှိတဲ့ ဒဏ္ဍာရီတွင်တဲ့ သတ္တဝါကြီးတွေ၊ ဇာတ်လမ်းတွေ အကုန်လုံးကို ပေါင်းထားတာပါ။
Hotel Transylvania ရုပ်ရှင်ထဲကလိုမျိုးပါပဲ။ Tom Cruise ရဲ့ The Mummy ရုပ်ရှင်နဲ့အစပြုလို့ Universal Studio ကနေ တည်ဆောက်ဖို့ ကြိုးစားခဲ့ပြီး မအောင်မြင်ခဲ့တဲ့ Dark Universe ရဲ့ ဖြစ်လာသင့်တဲ့ ပုံစံမျိုးလို့ ပြောရမှာပါ။ ဒါပေမဲ့ ဒါကတော့ low budget အမျိုးအစားဖြစ်လို့ တချို့နေရာတွေမှာ လိုအပ်ချက်တော့ ရှိနေမှာပါ။ အတည်ပေါက်လုပ်ထားပေမဲ့ တချို့ ကြောင်တောင်တောင်အကွက်တွေ ပါနေတာမျိုးကိုတော့ သည်းခံကြည့်ရမှာပါ။
ဒါပေမဲ့ ရှေးဟောင်းစတိုင် Horror ရှပ်ရှင်ပုံစံမျိုး ရိုက်ကူးထားတာမို့ ကြည့်ရတာတော့ တစ်မျိုးဆန်းနေမှာပါ။

ဇာတ်လမ်းအကျဉ်းကတော့

ကန်ဒယ်ဝုဒ်ရွာလေးရဲ့ တစ်နေရာတွေဆီမှာ ဒရက်ကူလာ၊ မံမီ၊ သမန်းဝံပုလွေနဲ့ ကိုယ်ပျောက်လူသားတို့ဟာ အသီးသီး လူသားတွေနဲ့ ဝေးရာမှာ ပုန်းကွယ်ကြီးနေကြပါတယ်။ ဖရန်ကင်စတိုင်း ဖန်တီးထားတဲ့ သတ္တဝါကြီးဟာ ဒရက်ကူလာရဲ့သမီး အယ်လီဆာဘက်တာ့ကို ဖမ်းသွားပါတယ်။ ဒါပေမဲ့ ဖရန်ကင်စတိုင်းဟာ အဲမှာတင် ရပ်မနေဘဲ ရွာနားတစ်ဝှိက်မှာရှိနေတဲ့ သတ္တဝါအားလုံးကို ပစ်မှတ်ထားပြီး သူတို့ဆီကနေ ကိုယ်ခန္ဓာအစိတ်အပိုင်းတွေ လုယူဖို့ ကြိုးစားပါတယ်။

ဒရက်ကူလာလည်း သူ့သမီးအဖမ်းခံရပြီး တခြားသတ္တဝါတွေ တိုက်ခိုက်ခံရတာကို လိုက်စုံစမ်းရင်း မံမီ၊ သမန်းဝံပုလွေ၊ ကိုယ်ပျောက်လူသားတို့နဲ့ အဖွဲ့ကျသွားပါတယ်။ ဖရန်ကင်စတိုင်းရဲ့ ရည်မှန်းချက်ကဘာလဲ၊ ဒရက်ကူလာတို့အဖွဲ့ကရော ဖရန်ကင်စတိုင်းနဲ့ ရင်ဆိုင်ဖြေရှင်းနိုင်မှာလားဆိုတာကိုတော့ ဆက်လက်ကြည့်လိုက်ပါဦး။

#MonsterMash #MyanmarSubtitleMovies #မြန်မာစာတန်းထိုးဇာတ်ကားများ #Online #Games #Myanmar #OnlineGamesMyanmar #OnlineGames  #OnlineCasino #SlotandFish #SportsGames #MyanmarOnlineGames

• Monster Mash (2024)