Neglected

Neglected (2026)

+++++++++

ဒီကားဟာ Josh Duhamel နဲ့ Dylan Sprouse တို့ အဓိကပါဝင်သရုပ်ဆောင်ထားတဲ့ Crime ၊ Action နဲ့ Thriller ဇာတ်ကားသစ်တစ်ကားပါ။ ၂၀၂၅ ခုနှစ် ရုပ်ရှင်ပွဲတော်မှာ စတင်ပြသခဲ့ပြီး ၂၀၂၆ မေလမှာ ရုံတင်ခဲ့တဲ့ကားဖြစ်ပါတယ်။

ဒီကားက အချိန်နဲ့အမျှ အသက်လုရတဲ့ဇာတ်အိမ်မျိုးကို စိတ်လှုပ်ရှားဖွယ် ရိုက်ကူးထားတာပါ။ ဇာတ်လမ်းရဲ့ အဓိကဇာတ်ကောင်ကတော့ ရဲတပ်ဖွဲ့ကနေ အငြိမ်းစားယူဖို့ ပြင်ဆင်နေတဲ့ စုံထောက်ကြီးရှော (Shaw) ပါ။ သူ့ရဲ့ အလုပ်နောက်ဆုံးနေ့မှာပဲ ရဲစခန်းထဲကို သွေးတွေပေကျံနေတဲ့ လူငယ်လေး အေဂျေ (AJ) ဝင်လာပြီး အဖမ်းခံပါတော့တယ်။

အဲဒီလူငယ်က သာမန်လာအဖမ်းခံတာ မဟုတ်ဘဲ စုံထောက်ကြီးရှောရဲ့ ဆယ်ကျော်သက်အရွယ် သားဖြစ်သူကို ပြန်ပေးဆွဲပြီး အရှင်လတ်လတ် မြေမြှုပ်ထားခဲ့တယ်လို့ ထိတ်လန့်စရာကောင်းတဲ့ ခြိမ်းခြောက်စကား ပြောချလိုက်ပါတယ်။

သားဖြစ်သူ မြေအောက်ထဲမှာ အောက်ဆီဂျင်ပြတ်ပြီး မသေဆုံးခင် အချိန်မီကယ်တင်ချင်ရင် ရှောအနေနဲ့ ရှုပ်ထွေးလှတဲ့ လူသတ်မှု ၃ ခုကို အချိန်မီ ဖော်ထုတ်ပေးရမယ်လို့ အေဂျေက အကျပ်ကိုင်လာပါတယ်။ ဒီလိုနဲ့ စုံထောက်ကြီးဟာ သားကိုကယ်ဖို့ တစ်ဖက်က ကြိုးစားရင်း၊ အေဂျေရဲ့ စိတ်ပိုင်းဆိုင်ရာ ကစားကွက်တွေကြားထဲမှာ အသက်လုပြီး အဖြေရှာရပါတော့တယ်။

အမှုတွေကို လိုက်လံစုံစမ်းရင်းနဲ့မှ ဒီလူသတ်သမားဟာ ရှောကို ရမ်းသန်းပြီး ရွေးချယ်ခဲ့တာမဟုတ်ဘူးဆိုတဲ့ အမှန်တရားကို သိလာရပါတယ်။ အေဂျေရဲ့ နောက်ကွယ်က ရည်ရွယ်ချက်ဟာ အတိတ်တုန်းက ကလေးသူငယ်အကြမ်းဖက်မှုအမှုတစ်ခုမှာ စုံထောက်ရှောရဲ့ ပေါ့ဆခဲ့မိတဲ (Neglected ဖြစ်ခဲ့တဲ့) အမှားတွေနဲ့ ဆက်စပ်နေပြီး ကလဲ့စားချေဖို့ တမင်ကြံစည်ထားခဲ့တာ ဖြစ်ပါတယ်။

ဒီကားဟာ ကိုယ့်ရဲ့အတိတ်က အမှားတွေကြောင့် ကိုယ့်မိသားစုပါ ထိခိုက်လာတဲ့အခါ ဖခင်တစ်ယောက်၊ ရဲတစ်ယောက်အနေနဲ့ ဘယ်လိုတွေ ရုန်းကန်ရမလဲဆိုတာကို ရင်တမမနဲ့ ကြည့်ရှုရမဲ့ ဇာတ်ကားပါ။

အထူးသဖြင့် Serial Killer အဖြစ် သရုပ်ဆောင်ထားတဲ့ Dylan Sprouse ရဲ့ အေးစက်စက်နဲ့ ကြောက်စရာကောင်းတဲ့ သရုပ်ဆောင်ကွက်တွေက ဇာတ်ကားကို ပိုပြီး ဆွဲဆောင်မှုရှိစေပါတယ်။ Thriller ကားကောင်းတွေ ကြိုက်တတ်တဲ့ သင့်အတွက် အကြိုက်တွေ့စေမဲ့ ဇာတ်ကားမျိုးပါ။