One More Shot

One More Shot (2025)

IMDb Rating : 5.5/10
++++++++++

One More Shot ကတော့ ၂၀၂၅ ခုနှစ်မှာထွက်ရှိလာတဲ့ သြစတြေးလျနိုင်ငံထုတ်စိတ်ကူးယဉ် ဟာသ ရုပ်ရှင်ဇာတ်ကားတစ်ကား ဖြစ်ပါတယ်။ အဓိကမင်းသမီးအဖြစ် Emily Browning က သရုပ်ဆောင်ပေးထားပြီး Nicholas Clifford ရဲ့ ဒါရိုက်တာအနေနဲ့ ပထမဆုံးရုပ်ရှင်ဇာတ်ကားဖြစ်ပါတယ်။

၁၉၉၉ ခုနှစ် နှစ်သစ်ကူးညမှာ Minnie ဆိုတဲ့အမျိုးသမီးဟာ အချိန်ခရီးသွားနိုင်တဲ့ တက်ကီလာပုလင်းတစ်ပုလင်းကို ရှာဖွေတွေ့ရှိသွားခဲ့ပြီး အဲဒီအရက်ကိုသောက်လိုက်တဲ့အခါတိုင်း ညအစကို ပြန်ရောက်သွားနိုင်တာကြောင့် ပုလင်းကုန်တဲ့အထိ သူ့ရဲ့ထောင်စုနှစ်ဘဝလမ်းကြောင်းကို ပြောင်းလဲနိုင်စွမ်းရရှိခဲ့ပုံကို ရိုက်ကူးထားတာဖြစ်ပါတယ်။

Minnie Vernon က အသက် ၃၀ ကျော် ထုံဆေးဆရာဝန်တစ်ယောက်ဖြစ်ပါတယ်။ လက်ထပ်ဖို့စီစဉ်ထားခဲ့တဲ့ Cameron နဲ့ကွဲပြီးတဲ့နောက် သူငယ်ချင်းတစ်ဦးဖြစ်တဲ့ Rodney ရဲ့ နှစ်သစ်ကူးညပါတီကို သွားရောက်မှာဖြစ်ပါတယ်။အဲဒီပါတီမှာ တက္ကသိုလ်က ချစ်သူဟောင်း Joe လည်း ပြန်ရောက်လာမှာဖြစ်ပေမယ့် Joe က အမေရိကန်သူ Jenny နဲ့အတူရောက်ရှိလာပြီး အဲဒီညမှာပဲ Jenny ကိုလက်ထပ်ခွင့်တောင်းတော့မယ်ဆိုတာ Minnie သိရှိလိုက်ရပါတယ်။ စိတ်ပျက်လက်ပျက် ဖြစ်နေတုန်းမှာပဲ Minnie က သူယူလာခဲ့တဲ့ နှစ်ပေါင်း ၁၀ ကြာ မက္ကဆီကိုတက်ကီလာပုလင်းဟောင်းကိုသောက်လိုက်မိတဲ့အခါ အံ့အားသင့်စရာကောင်းလောက်အောင် ပါတီအချိန်အစကို ပြန်လည်ရောက်ရှိသွားပြီး တူညီတဲ့ပါတီညအဖြစ်အပျက်တွေကို ထပ်မံကြုံတွေ့လိုက်ရပါတယ်။

အဲဒီအချိန်ကွင်းဆက်ထဲမှာ Minnie က သူ့ချစ်သူဟောင်း Joe ကိုပြန်ရဖို့ကြိုးစားခြင်း၊ ပါတီတွင်း ဖြစ်ပျက်နေတဲ့အရာတွေကို စူးစမ်းခြင်းနဲ့ Y2K ကြိုတင်ဟောကိန်းကိုစိုးရိမ်နေတဲ့ Rodney ရဲ့ဇနီး Pia နဲ့ ပူးပေါင်းခြင်းစတဲ့အဖြစ်အပျက်တွေကို ဖြတ်သန်းရပါတော့တယ်။

Minnie ရဲ့လုပ်ဆောင်ချက်တိုင်းက မျှော်လင့်မထားတဲ့ရလဒ်တွေကိုဖြစ်ပေါ်စေပြီး Minnie ကို ဘဝအဓိပ္ပာယ်နဲ့ သူ့ရဲ့အတိတ်ရှုထောင့်တွေကို ပြန်လည်ဆန်းစစ်ဖို့ ဦးတည်စေခဲ့ပါတယ်။ One More Shot ဟာ အတိတ်ကို ပြန်လည်ပြင်ဆင်နိုင်ခြင်းဆိုတဲ့ဆန္ဒ၊ ဘဝအရှုပ်တော်ပုံတွေနဲ့ လှပတဲ့မပြည့်စုံမှုတွေအကြောင်းကို ဟာသဉာဏ်နှင့် ရောနှောဖော်ပြထားသောရုပ်ရှင်ဇာတ်ကားတစ်ကား ဖြစ်ပါတယ်။

• 1990s
• new year's eve
• time loop
• y2k