Sniper: No Nation

Sniper: No Nation (2026)
—————————————
ကော်စတာဗာဒီနိုင်ငံမှာ လုပ်ခဲ့တဲ့ လျှို့ဝှက်စစ်ဆင်ရေးတစ်ခုကနေ ပြဿနာတွေကြီးသွားပြီး နိုင်ငံတကာ အရှုပ်တော်ပုံ ဖြစ်သွားပါတယ်။

အဲဒီအခါမှာ အမေရိကန်အစိုးရက သူတို့ရဲ့ G.R.I.T. အဖွဲ့ကို တာဝန်မယူတော့ဘဲ အကြမ်းဖက်သမားတွေအဖြစ် သတ်မှတ်လိုက်ပါတော့တယ်။

ဒီတော့ ကိုယ့်နိုင်ငံကနေ ကိုယ်တိုင် ပြန်အရှာခံနေရတဲ့ စနိုက်ပါသမား ဘရန်ဒန် ဘက်ကတ် တစ်ယောက် ထွက်ပြေးရပါတော့တယ်။

အဲဒီနောက်မှာတော့ ဘရန်ဒန် ဘက်ကတ် ဟာ သူ့ရဲ့ မဟာမိတ်တွေဖြစ်တဲ့ ဖီးနစ်သူပုန်အဖွဲ့တွေ အသတ်ခံရပြီး ကျန်တဲ့သူငယ်ချင်းတွေလည်း အဖမ်းခံထားရတယ်ဆိုတာကို သိသွားပါတယ်။

ဒါကြောင့် သေဒဏ်ပေးခံရဖို့ရှိနေတဲ့ သူ့သူငယ်ချင်းတွေကို ကယ်တင်ဖို့အတွက် ဂန္ထဝင် စနိုက်ပါသမားကြီးဖြစ်တဲ့ သူ့အဖေ သောမတ်စ် ဘက်ကတ် နဲ့ လုပ်ဖော်ကိုင်ဖက် အေးဂျင့် ဇီးရိုး တို့နဲ့ ပြန်ပူးပေါင်းပြီး အသက်စွန့် ကယ်တင်ရေး စစ်ဆင်ရေးတစ်ခုကို စတင်ပါတော့တယ်။

ဒီကားလေးကတော့ အရင်ထွက်ခဲ့တဲ့ Sniper: The Last Stand ရဲ့ အဆက်ဖြစ်လို့ အရင်ကားတွေကို
ကြည့်ဖူးတဲ့သူတွေ ဆက်ပြီးအကြိုက်တွေ့ဦးမဲ့ ကားပါပဲ။

နိုင်ငံရဲ့ အထောက်အပံ့မပါ၊ အကူအညီမပါဘဲ အန္တရာယ်ကြားထဲကနေ သေနတ်ပစ်ခန်း အမိုက်စားတွေနဲ့ ဘယ်လို ရင်ခုန်စိတ်လှုပ်ရှားစရာ ကယ်တင်မလဲဆိုတာကို အက်ရှင်အပြည့် ကြည့်ရှုရမှာမို့ ပိတ်ရက်မှာ အပန်းဖြေရင်း ကြည့်ဖို့ လက်မလွတ်သင့်တဲ့ ဇာတ်ကားကောင်းလေး တစ်ကားဖြစ်ပါတယ်။