Southpaw

ဘီလီဟုပ် ပွဲ ၄၀ ကျော်လာပြီ၊ သူ့ဘဝမှာ ရှုံးပွဲဆိုတာ တစ်ခါဖူးမှ မရှိခဲ့…ပွဲတိုင်းအောင်ပွဲဆင်ခဲ့တာချည်း။

ဒါပေမဲ့ သူ့ထိုးသတ်မှုနည်းဗျူဟာက အခြားသူတွေနဲ့မတူပါဘူး။ ပြင်းထန်တဲ့ ရန်သူ့လက်သီးချက်တွေကို တပျော်တပါးကြီးခံစားပြီးမှ သွေးဆာလောင်မှုကိုမွေးမြူတတ်သူ။ ဒါပေမဲ့ သူ့မိန်းမမော်ရင်းက အဲဒီလို ထိုးသတ်တာကိုမကြိုက်ဘူး။ တစ်ဘဝလုံး ဇနီးဖြစ်သူရဲ့စီစဉ်ပေးမှုအောက်မှာပဲ နေထိုင်လာတဲ့ဘီလီတစ်ယောက်…ဇနီးဖြစ်သူက သူထိုးပါလို့ပြောတဲ့သူနဲ့မှထိုးတဲ့ အရိုင်းကောင်ကြီးဘီလီ…ကံကြမ္မာဆိုးက ဆိုက်ကလုန်းလိုမွှေနောက်ပြီးတဲ့အခိုက်မှာ သမီးလေးနဲ့ နှစ်ယောက်တည်း ဖိအားတွေ အောက်မှာပြားပြားဝပ်ပေါ့။ လက်စားချေလိုမှုတွေ၊ အမုန်းတရားအာဃာတတွေနဲ့ ဖုံးလွှမ်းနေတဲ့ဘီလီတစ်ယောက် သူအမှောင်ထဲမှာအလင်းပြပြလေးတွေ့ခဲ့တယ်။ သူ့လက်သီးချက်တွေကိုအဓိပ္ပာယ်ရှိစေမဲ့အလင်း ‘‘ ဒီဖိုက်တာကောင်ကြီးရဲ့မာန်စွယ်တွေကို ထက်ရှနေအောက်သွေးပေးမဲ့ အလင်း ‘ဘီလီဟုပ် အော် ဘီလီဟုပ်တဲ့ Billy Hope ရှိနေသ၍ Hope ဆိုတဲ့မျှော်လင့်ချက်ကရှိနေဦးမှာပါပဲ။

ဒီကားမှာ အဓိကထားပြောချင်တာတော့ Jake Gyllenhaal ပါပဲ။ ဘယ်လိုမှ Jake လိုမထင်မိအောင်ကောင်းလွန်းတယ်။ လုံးဝအရိုင်းစိုင်းဖိုက်တာကြီးတစ်ယောက် ၊ ကြိုးဝိုင်းစင်မြင့်ထက်မှာ အောင်သေအောင်သားစားနေတဲ့ သွေးဆာနေတဲ့ ဘောက်ဆာသမားတစ်ယောက်အဖြစ်ပဲမြင်ရမှာပါ။ နောက်ပြီး Equalizer တို Training Day တိုနဲ့ရေလည်လန်းခဲ့တဲ့ ဒါရိုက်တာ Antoine Fuqua ရဲ့ပေါင်းစပ်မှုနဲ့ဆိုတော့ ပြောစရာမရှိတော့ပါဘူး။ ဒီ Southpaw ဆိုတဲ့ ညာခြေညာလက်အယောင်ပြပြီး ဘယ်ခြေဘယ်လက်သုံးထိုးနည်းဟာ တိကျတဲ့ထိုးသတ်မှုအပေါင်းစည်းပါ။ ဘီလီအတွက်လဲ အဓိပ္ပာယ်အများကြီးရှိပီး သူ့အတွက်တစိမ်းတရံဆန်တဲ့ ထိုးသတ်မှုမျိုး။ ချောက်ကမ်းပါးထက်ရောက်နေတဲ့ လူတစ်ယောက်ရဲ့အားမာန် ငါမလုပ်ရင်မဖြစ်ဘူး ငါလုပ်ကိုလုပ်ရမယ်ဆိုတဲ့ motivational sense တွေအများကြီးပါတဲ့ Southpaw…တစ်ချိန်က Eminem ကို သရုပ်ဆောင်ဖို့ဖြစ်စေခဲ့တဲ့ Southpaw…Rap God ကြီး Eminem ရဲ့ Soundtrack တွေနဲ့ လက်ဝှေ့သမားတစ်ယောက်ရဲ့ ကြမ်းတမ်းခက်ထန်တဲ့ ဘဝခရီးကိုခံစားကြည့်ကြပါ….။

• Southpaw (2015)