The Journey to Gyeong-ju

The Journey to Gyeong-ju (2026)

************************************

IMDb Rating (7.8)

“သေသွားတဲ့လူက ပြန်မရှင်လာနိုင်တော့မှန်း သိလျက်နဲ့ ကလဲ့စားချေလိုစိတ် တစ်ခုတည်းနဲ့ပဲ လူတစ်ယောက်ကို သတ်ပစ်ရဲတဲ့အထိ ရဲတင်းနိုင်ပါ့မလား…”
ဒီမေးခွန်းရဲ့ အဖြေကိုတော့ ဒီဇာတ်ကားလေးက ပရိသတ်ကြီးတို့ရဲ့ ရင်ထဲထိရောက်အောင် အဖြေပေးသွားပါလိမ့်မယ်။

နာမည်ကြီး သရုပ်ဆောင်တွေ ဖြစ်ကြတဲ့ မင်းသမီးကြီး Lee Jung-Eun, Kong Hyo-Jin, Park So-Dam နဲ့ Lee Yeon တို့ အဓိက ပါဝင်သရုပ်ဆောင်ထားကြပြီး မင်းသား Byun Yo-Han ကလည်း ဗီလိန်လူသတ်သမားအဖြစ် အထူး ပါဝင်အားဖြည့်ပေးထားပါတယ်။

– ဇာတ်လမ်းအကျဉ်း –

ဆင်တူ တီရှပ်တွေအထိပါ ဝတ်စားပြီးတော့ ဂယောင်းဂျူမြို့ဆီ ခရီးထွက်လာကြတဲ့ အမေ အီအို့ရှီး (Lee Jung-Eun) နဲ့ သမီးသုံးယောက်ဖြစ်ကြတဲ့ ယွန်းဂျန်းဂျူ (Kong Hyo-Jin)၊ ယွန်းယောင်းဂျူ (Park So-Dam)၊ ယွန်းဒုံဂျူ (Lee Yeon) ….

အပေါ်ယံ ကြည့်လိုက်ရင်တော့ ပျော်စရာကောင်းပြီး သိုက်သိုက်မြိုက်မြိုက်ရှိတဲ့ မိသားစုခရီးလေးပေါ့။

တကယ်တမ်း ကားနောက်ဖုံးထဲမှာက… လွန်ခဲ့တဲ့ ၈ နှစ်က အငယ်ဆုံးသမီးလေး ယွန်းဂယောင်းဂျူကို သတ်ခဲ့တဲ့ လူသတ်သမား ဘဲ့ဆန်းဟျွန်း (Byun Yo-Han) ကို ပြန်ပေးဆွဲ တင်ဆောင်လာတာ ဖြစ်နေတဲ့အခါမှာတော့…

ပိုးကောင်တစ်ကောင်ကိုတောင် မည်မည်ရရ မဖမ်းနိုင်ကြပေမဲ့လည်း ကြောက်စိတ်ထက် ရင်ထဲက မီးတောက်က အဆပေါင်းများစွာ ပိုလောင်မြိုက်နေတဲ့ နစ်နာသူမိသားစုရဲ့ ကလဲ့စား…

သရုပ်ဆောင်တွေရဲ့ အကောင်းဆုံး သရုပ်ဖော်တင်ဆက်ပုံတွေနဲ့အတူ နစ်နာသူမိသားစုရဲ့ ခံစားချက်နဲ့ထပ်တူ စီးမျောခံစားရမှာမို့လို့ ဘဝမှာ တစ်ခါလောက်တော့ မိသားစုနဲ့ အတူတူ ကြည့်ဖူးသင့်တဲ့ ရုပ်ရှင်လေးဖြစ်ကြောင်း ညွှန်းဆိုပေးလိုက်ရပါတယ်။

• death of sister
• gyeongju
• loss of loved one
• mother daughter relationship
• revenge
• road movie
• school trip
• sister
• sister sister relationship
• south korea