War for the Planet of the Apes

အမေရိကန်စိတ်ကူးယဉ်သိပ္ပံဇာတ်ကားဖြစ်တဲ့ War for the Planet of the Apes ဆိုတဲ့ ဇာတ်ကားလေးအကြောင်း ပြောပြပါရစေ။ ရုပ်ရှင်ဝေဖန်ရေးသမားတွေရဲ့ ချီးကျူးတဲ့ သုံးသပ်ချက်တွေရထားတဲ့ ဒါရိုက်တာမက်ရိဗ်စ်ရဲ့လက်ရာ ဇာတ်ကားလေးကို ၂၀ -ရာစုမြေ ခွေးရုပ်ရှင် ထုတ်လုပ်ရေးကနေ ဖြန့်ချိထားတာပါ။ ဒီတစ်ခါ ဇာတ်လမ်းကတော့ နာမည်ကြည့်လိုက်တာနဲ့ စစ်ပွဲလို့သုံးထားတဲ့အတွက် လူသားတစ်ယောက်လို အိုင်ကျူမြင့်တဲ့ ချင်ပန်ဇီမျောက်ဝံဆီဇာခေါင်းဆောင်တဲ့ မျောက်ဝံတပ်သားအဖွဲ့နဲ့ မျောက်ဝံတွေကို သုတ်သင်ဖြိုခွဲမဲ့ လက်နက်ကိုင်တပ်ဖွဲ့တို့ရဲ့ တိုက်ပွဲကိုအဓိကဇာတ်အိမ်တည်ထားတာပါ။

မျောက်ဝံစစ်တပ်ကို ဖြိုခွင်းဖို့အတွက် အယ်လ်ဖာ-အိုမီဂါလို့ ခေါ်တဲ့ လက်နက်ကိုင်တပ်ဖွဲ့ကို အကြင်နာမဲ့ရက်စက်တဲ့ ကာနယ်ကဦးဆောင်တာဖြစ်ပြီး ဆီဇာရဲ့ ဇနီးနဲ့  သားအကြီးဆုံးကို သတ်ဖြတ်ပစ်ခဲ့ပါတယ်။ ဒီလိုနဲ့ မိသားစုနဲ့ မျောက်ဝံ မျိုးနွယ်စုကို ကာကွယ်ချင်တဲ့ဆီဇာနဲ့ မျောက်ဝံတွေကိုမုန်းတီးပြီး အမျိုးဖြုတ်သုတ်သင်ချင်တဲ့ လက်နက်ကိုင်အဖွဲ့ အကြားမှာ တိုက်ပွဲတွေအကြီးအကျယ်ဖြစ်ပါတော့တယ်။ မျောက်ဝံအဖွဲ့မှာ သစ္စာဖောက်သူတွေ  ရှိတဲ့အတွက် နောက်ဆုံးမှာ ဆီဇာ အဖမ်းခံခဲ့ရပြီး ရက်စက်တဲ့ကာနယ်က အစာဖြတ်၊ ရေဖြတ်နဲ့ ညှဉ်းပန်းဒုက္ခပေးခဲ့ပေမဲ့လည်း ကူညီမဲ့သူပေါ် လာတဲ့အတွက် ဆီဇာတစ်ဖန်ပြန် လွတ်မြောက်ခဲ့ပါတယ်။

ဒီလိုနဲ့ နောက်ဆုံးမှာ ဆီဇာနဲ့ ကာနယ် ထိပ်တိုက်တွေ့ကြတဲ့အခါမှာတော့ အနာဂတ်ကမ္ဘာမှာ ကျန်ရှိမဲ့ လူသားမျိုးနွယ်စုနဲ့ မျောက်ဝံမျိုးနွယ်စုတို့ရဲ့ ကံကြမ္မာအတွက် ဘယ်လို အလှည့်အပြောင်းတွေ ဖြစ်လာမလဲဆိုတာ ရှုစားရမှာပါ။၂၀၁၁ -တုန်းက ထွက်ခဲ့တဲ့ Rise of the Planet of the Apes နဲ့ ၂၀၁၄ -တုန်းကထွက်ခဲ့တဲ့ Dawn of the Planet of the Apes ဇာတ်ကားတွေရဲ့ အဆက်ဖြစ် ထွက်ရှိထားတာမို့ အရင်ဇာတ်ကားတွေက ပရိသတ်တွေနဲ့ ရင်းနှီးပြီးသားဖြစ်တာမို့ ဇာတ်လမ်းကောင်း၊ မကောင်းကတော့ ပြောဖို့တောင်လိုမယ် မထင်ပါ ဘူး။ ပါဝင်သရုပ်ဆောင်ထားသူတွေကတော့ အန်ဒီဆာကစ်၊ စတိဗ်ဇန်၊ ကာရင်ကိုနိုဗယ်၊ ဝူဒီ ဟာရယ်ဆင်၊ အမီရာမစ်လာ၊ ဂက်ဘရီရယ်ချာဗာရီရာစသူတွေ ပဲ ဖြစ်ပါတယ်။

#WarforthePlanetoftheApes #MyanmarSubtitleMovies #မြန်မာစာတန်းထိုးဇာတ်ကားများ #Online #Games #Myanmar #OnlineGamesMyanmar

• War for the Planet of the Apes (2017)