Being Maria

ဒီပြင်သစ် ဘိုင်အိုဂရပ်ဖီတစ်ခြမ်း psychological drama တစ်ခြမ်း ရုပ်ရှင်က မာလွန်ဘရန်ဒိုနဲ့အတူ The Last Tango In Paris ဆိုတဲ့ နာမည်ကျော်ရုပ်ရှင်မှာ သရုပ်ဆောင်ခဲ့တဲ့ မင်းသမီး Maria Schneider ရဲ့ ဖြတ်သန်းမှုကို ရိုက်ပြထားတယ်။

ပြောရရင် The Last Tango ရိုက်တုန်းက သူ့ခေတ်သူ့အခါအရ ဒီရုပ်ရှင်က လိင်မှုခန်းတွေက အရမ်းကြမ်းတမ်းနေခဲ့လို့ ဝေဖန်ခံခဲ့ရတယ်။ ဒါရိုက်တာကလည်း ပြင်သစ်ကနေထွက်သွားသလို ဘရန်ဒိုကလည်း သူ့အရပ်သူပြန်သွားတဲ့နောက် မင်းသမီးကပဲ ဒီဝေဖန်မှုတွေကို ခါးစည်းခံခဲ့ရတဲ့အကြောင်းကိုလည်း ပြထားတယ်။

ဒီလိုအဖြစ်တွေက Lust Caution နဲ့ ထျန်းဝေလည်းဖြစ်ခဲ့ဖူးသလို တော်တော်များများလည်း ဖြစ်ခဲ့တဲ့ကိစ္စတွေပါပဲ။ ဒီလိုအဖြစ်တွေမှာ မင်းသမီးတွေ ဘယ်လိုခါးစည်းခံရလဲ ဘယ်လိုပြိုလဲကျလဲ ဒီရုပ်ရှင်မှာ ကျွန်တော်တို့ မြင်ရမှာပါ။

မာရီယာဆိုတဲ့ ဆယ်ကျော်သက်မလေး မင်းသမီးဖြစ်ချင်ခဲ့တာကနေ မင်းသမီးဖြစ်လာပြီး သူရင်ဆိုင်ရတဲ့အခက်အခဲတွေအထိကို ပြထားပါတယ်။

• Lust Caution
• The Last Tango In Paris
• ဆယ်ကျော်သက်မလေး
• ထျန်းဝေ
• လိင်မှုခန်းများ