Freakier Friday

Freakier Friday (2025)
++++++++++

IMDb Rating (6.8) / Rotten Tomatoes (74%)

“Freakier Friday” ကတော့ ၂၀၀၃ ခုနှစ်က ရိုက်ကူးခဲ့တဲ့ “Freaky Friday” ဇာတ်ကားရဲ့ တိုက်ရိုက်နောက်ဆက်တွဲ ဇာတ်ကားဖြစ်ပါတယ်။

ယခင်ဇာတ်ကားက မိခင်နဲ့ သမီးဖြစ်တဲ့ တက်စ်နဲ့အန်နာဟာ ယခုတစ်ကြိမ်မှာ နှစ်ပေါင်း ၂၀ ကျော်ကြာပြီးတဲ့နောက် ခန္ဓာကိုယ်လဲသွားတာကို ထပ်မံကြုံတွေ့ရပြန်ပါတယ်။

အန်နာက ယခုအခါ ဂီတထုတ်လုပ်ရေးသမားတစ်ဦးဖြစ်လာပြီး သူ့သမီး ဟာပါကို တစ်ကိုယ်တော်မိခင်တစ်ဦးအနေနှင့် ပြုစုပျိုးထောင်လျက်ရှိပါတယ်။ အန်နာက သူ့သမီး ဟာပါရဲ့ကျောင်းနေဖက်နဲ့ ရန်သူလိုဖြစ်နေတဲ့ လီလီဆိုတဲ့ မိန်းကလေးရဲ့ဖခင် အဲရစ်နဲ့ချစ်ကြိုက်ပြီး လက်ထပ်ဖို့ ပြင်ဆင်နေချိန်ဖြစ်ပါတယ်။ ဒါပေမဲ့ ဟာပါနဲ့လီလီက ဒီအိမ်ထောင်ရေးကို မလိုလားကြပါဘူး။

အဲဒီနောက်မှာဖြစ်ပေါ်လာတဲ့ မှော်ဆန်တဲ့ငလျင် လှုပ်ခတ်မှုတစ်ခုကြောင့် ဇာတ်ကောင်လေးဦးဖြစ်တဲ့ တက်စ်၊ အန်နာ၊ ဟာပါနဲ့ လီလီ တို့ရဲ့ဝိညာဉ်တွေက အချင်းချင်းရဲ့ ခန္ဓာကိုယ်တွေထဲကို ရောထွေးဝင်ရောက်လဲလှယ်သွားခဲ့ပါတော့တယ်။ ဒီအခြေအနေမှာ သူတို့လေးဉီးဟာ မိသားစုအသစ်ကို လိုက်လျောညီထွေဖြစ်အောင် လိုက်လံလုပ်ဆောင်ရင်း တစ်ဦးနဲ့တစ်ဦး ပိုမိုနားလည်လာစေဖို့ ခန္ဓာကိုယ်အသစ်တွေနဲ့နေထိုင်ကြည့်ကြရပါတော့တယ်။ နောက်ဆုံးမှာ သူတို့အားလုံးရဲ့စိတ်ခံစားချက်တွေပြောင်းလဲလာပြီး မူလခန္ဓာကိုယ်တွေကို ပြန်လည်ရောက်ရှိသွားကြပါတယ်။

ဇာတ်ကားမှာ မူရင်းဇာတ်ကောင်တွေကို Jamie Lee Curtis နဲ့ Lindsay Lohan တို့ကပဲပြန်လည်သရုပ်ဆောင်ထားပြီး လူငယ်သရုပ်ဆောင်တွေဖြစ်တဲ့ Julia Butters နဲ့ Sophia Hammons တို့က ခန္ဓာလဲသွားတဲ့ရှုပ်ထွေးမှုတွေကို ရယ်စရာကောင်းအောင် သရုပ်ဖော်ထားကြပါတယ်။

• amused
• based on novel or book
• body exchange
• body-swap
• mother daughter relationship
• sequel