The Debt Collector

The Debt Collector (2026)

“အကြွေးဆိုတာ ငွေနဲ့ဆပ်ရပေမဲ့… သွေးကြွေးဆိုရင်တော့ အသက်နဲ့ရင်းရလိမ့်မယ်”

ထိုင်းကားဖန်တွေ၊ အထူးသဖြင့် စူပါစတား Nadech Kugimiya ရဲ့ ပရိသတ်တွေအတွက် လုံးဝကို ရှယ်မိုက်တဲ့ Action, Crime , Thriller ကားသစ်ကြီး “The Debt Collector” ဟာ ဒီနေ့ပဲ ပူပူနွေးနွေး ထွက်ရှိလာပါပြီ။ ဒီကားမှာ Nadech အပြင် Daou Pittaya Saechua နဲ့ Chaiwat Thongsaeng တို့လို နာမည်ကြီးမင်းသားတွေပါ အားဖြည့်ပါဝင်ထားတာဆိုတော့ ကွာလတီကတော့ လန်းနေမှာ အသေအချာပါပဲ။

ဇာတ်လမ်းအကျဉ်းကတော့ အရင်က သွေးအေးရက်စက်တဲ့ အကြွေးတောင်းသမားဘဝနဲ့နေလာခဲ့တဲ့ လူမိုက်ကြီးတစ်ယောက်ဟာ ထောင်ကထွက်လာတဲ့အခါမှာ အတိတ်က သူလုပ်ခဲ့တဲ့ အမှားတွေ၊ အပြစ်တွေကြောင့် ယူကျုံးမရ နောင်တတွေနဲ့ နေထိုင်နေရသူပါ။

ကံကြမ္မာက ထပ်ပြီးမျက်နှာသာမပေးတော့ သူ့မှာ ကုရာနတ္ထိ ဆေးမရှိတဲ့ ရောဂါဆိုးကြီးဝင်နေမှန်း သိလိုက်ရတဲ့အခါ…

မသေခင်လေးမှာ သူ့ရဲ့ အတိတ်က အပြစ်တွေကို ဆေးကြောဖို့နဲ့ ရက်စက်တဲ့ ငွေတိုးချေးစားတဲ့ ဂိုဏ်းတွေရဲ့လက်အောက်က သားကောင်တွေကို ကာကွယ်ဖို့အတွက် သူစွန့်ခွာခဲ့တဲ့ မြေအောက်ရာဇဝတ်လောကထဲကို နောက်တစ်ကြိမ် ပြန်ဝင်လာပါတော့တယ်။

ရက်စက်တဲ့ အကြွေးရှင်ဂိုဏ်းတွေကို သူတစ်ယောက်တည်း ဘယ်လို ရင်ဆိုင်မလဲ၊ သူ့အသက်မသေခင်လေးမှာရော သူလိုချင်တဲ့အရာကို ရနိုင်ပါ့မလား… ဆိုတာကို ရင်တမမနဲ့ ကြည့်ရှုရမှာပါ။

သာမန် ရိုက်နှက်နေတဲ့ အက်ရှင်ကားမျိုး မဟုတ်ဘဲ နောင်တ၊ လက်စားချေမှုနဲ့ Emotion တွေပါ ထည့်သွင်းထားတဲ့အပြင် ထိုင်းသရုပ်ဆောင်တွေရဲ့ အပီပြင်ဆုံး တိုက်ခိုက်ရေးခန်းတွေကိုပါ မြိုင်မြိုင်ဆိုင်ဆိုင် ရှုစားရမှာဖြစ်လို့ Action-Thriller အကြမ်းစားမှ ခိုက်တဲ့ ဘော်ဒါတွေအတွက် ခုပဲပြေးကြည့်လိုက်ကြပါတော့ဗျာ။