The Four 3

The Four 3 (2014)

The Four ရုပ်ရှင် Trio ရဲ့ နောက်ဆုံးတိုက်ပွဲကြီးပဲဖြစ်ပါတယ်။

နောက်ကွယ်အမှောင်ကနေကြိုးကိုင်နေတဲ့ အန်းယွင်ရှန်းရဲ့ ထီးနန်လုယူမဲ့အကြံအစည်ကြီးကို စုံထောက်ကြီးလေးယောက်ကနေ အင်အားတွေပေါင်းစည်းပြီး အသက်စွန့်တိုက်ခိုက်ကြမဲ့ အဆုံးသတ်တိုက်ပွဲကြီးပဲဖြစ်ပါတယ်။

ဝူချင်ထွက်သွားပြီးနောက်မှာ လန်လင်ချိဟာအမှုစုံစမ်းဖို့အတွက် လျို့ရှန့်မန်ကိုပြန်သွားခဲ့တာကြောင့် စုံထောက်ကြီးလေးဦးဆိုတဲ့နာမည်သာကျန်ခဲ့ပြီး အားလုံးဟာ အစိတ်စိတ်အမွှာမွှာကွဲသွားခဲ့ကြပါတယ်။

အဲဒီအချိန်မှာ နန်းတွင်းမှာပုန်းကွယ်နေတဲ့အန္တရာယ်လှိုင်းတွေဟာ ထကြွလာပါတော့တယ်။ ဘုရင်မင်းကြီးဟာ တိုင်းပြည်ရဲ့အခြေအနေမှန်ကိုသိနိုင်ဖို့ တိုင်းခန်းလှည့်လည်ထွက်တဲ့အချိန်မှာ
လုပ်ကြံခံရပြီး လျှို့ဝှက်စွာပျောက်ဆုံးသွားခဲ့ပါတယ်။

ကိုယ့်ကိုယ်ကိုမင်းကောင်းမင်းဖြတ်လို့ယူဆနေပြီး မာနထန်နေတဲ့ ဘုရင်မင်းကြီးဟာ ရန်သူရဲ့အကျဉ်းချဖမ်းဆီးတာကိုခံရပြီး ထီးနန်းအန္တရာယ်နဲ့ကြုံလာတဲ့အခါ ဘယ်သူ့ကိုမှမယုံရဲပဲ သူ့ရဲ့ကျေးဇူရှင်ဆရာဖြစ်သူဦးစီးတဲ့ ရှန်ဟိုအိမ်တော်ကို သွားရောက်အကူအညီတောင်းခံရပါတော့တယ်။

ဧကရာဇ်ကိုဗဟိုပြုပြီးဖြစ်ပေါ်လာတဲ့ ကောက်ကျစ်တဲ့အကြံအစည်တွေဟာ အလွှာလိုက်အလွှာလိုက်ပေါ်ထွက်လာချိန်မှာ ရှန်ဟိုအိမ်တော်ဟာလည်း အင်အားစုအသီးသီးရဲ့တိုက်ခိုက်တာတွေခံရတာကြောင့်
အကျပ်အတည်းတွေကြုံနေရပါတယ်။

လန်လင်ချိ၊ သံမဏိလက်နဲ့ ကျွေးမင့်တို့က အကြောင်းအရင်းမှန်ကိုအကြိတ်အနယ်ဖော်ထုတ်နေကြပြီး ဝူချင်ကနေတော့ သွေးအေးစွာ
လက်စားချေဖို့စောင့်ဆိုင်းနေပါတယ်။

ငုတ်လျှိုးနေတဲ့ ကြောက်စရာအကြံအစည်ကြီးလုံးဝပေါ်ထွက်လာပြီး အံ့မခန်းသိုင်းစွမ်းအားပိုင်ရှင်ကြီးဟာလည်း နောက်ကွယ်ကနေပေါ်ထွက်လာတဲ့အခါ သူတို့လေးယောက်ဟာ တိုင်းပြည်အတွက် သေရေးရှင်ရေးနောက်ဆုံးတိုက်ပွဲကြီးကို ရင်ဆိုင်သွားကြရပါတော့တယ်။

• china
• hong kong
• martial arts
• woman director