The Remnant

The Remnant (2025)

လူမိုက်ဟောင်းကြီးတစ်ယောက်ရဲ့ ဘဝကိုအသစ်ကပြန်စပြီး အခြေခံလူတန်းစားတွေရဲ့ပြဿနာတွေကိုဖြေရှင်းဖို့ ကြိုးစားပေးတဲ့ ဒရာမာအက်ရှင်ကားကောင်းလေးပဲဖြစ်ပါတယ်။
ဒီကားမှာလက်တွေ့ဆန်တဲ့ရိုက်ချက်တွေနဲ့ ဟောင်ကောင်အငွေ့အသက်တွေအပြည့်ခံစားရမှာပါ။

ဇာတ်လမ်းရဲ့ အဓိကဇာတ်ဆောင်ဖြစ်တဲ့ အစ်ကိုကြီးထိုက်ဆိုတာ တစ်ချိန်က လူမိုက်လောကမှာ ကျားကြီးတစ်ကောင်လို့ တင်စားခေါ်ဝေါ်ခံရတဲ့လူတစ်ယောက်ပါ။ အရင်ကမိုက်ပြစ်တွေကြောင့် ထောင်နန်းစံခဲ့ရပေမဲ့ ထောင်ကထွက်လာပြီးနောက်ပိုင်းမှာ ပင်မင်းဆိုင်လေးဖွင့်ပြီး ဘဝကိုသာမန်လူလိုပဲ ဖြတ်သန်းလာခဲ့ပါတယ်။

ဒါပေမဲ့ လောဘဇောတက်နေတဲ့ အိမ်ခြံမြေလုပ်ငန်းတွေက စီမံကိန်းအသစ်အတွက် တိုက်ဟောင်းမှာနေတဲ့လူတွေကို နည်းအမျိုးမျိုးနဲ့ နှောက်ယှက်ခြိမ်းခြောက်ပြီး ဖယ်ခိုင်းလာပါတယ်။
အစ်ကိုထိုက်က အစပိုင်းမှာတော့ ပြဿနာထဲဝင်မပါချင်လို့ ဘေးထွက်နေခဲ့ပေမဲ့ လူမိုက်တွေကရမ်းကားလာတဲ့အချိန်မှာ သနားစရာကောင်းတဲ့ရပ်ကွက်သားတွေကို
မကြည့်ရက်တော့တဲ့အခါမှာတော့ ရပ်ကွက်သူရပ်ကွက်သားတွေအတွက် သူ့ရဲ့ဓားကိုပြန်ကိုင်ဖို့ ဆုံးဖြတ်လိုက်ပါတော့တယ်။